Azerbajxhan, dënohen tre persona për komplot në shkollën hebraike

Tre shtetas azerbajxhanë janë dënuar nga një gjykatë në Baku për organizimin e komplotit për vrasjen e mësuesve në një shkollë hebraike në Azerbajxhan. Udhëheqësit të grupit iu ndanë 14 vjet burgim, ndërsa dy të tjerëve nga 13, gjegjësisht 8 vjet burgim.

Hetuesit thanë se grupi ishte paguar që të kryente vrasjet në Baku, nga një person që kishte lidhje me shërbimet e sigurisë së Iranit.

Udhëheqësi i grupit ishte prononcuar para pak kohësh në televizionin shtetëror dhe kishte rrëfyer se sulmi ishte planifikuar në shenjë hakmarrjeje kundër Izraelit, pas vrasjes së fizikantit iranian.