BE: Nuk ka pajtime për ndërhyrje ushtarake në Libi

Liderët e Bashkimit Evropian janë mbledhur në Bruksel për të diskutuar situatën në Libi dhe masat eventuale kundër regjimit libian.

Ministri gjerman i Mbrojtjes, Tomas De Maicire, tha:

“Situata në Libi është dëshpëruese. Nëse dikatori qëllon popullatën e tij, askush nuk mund të rrijë duarkryq. Por, situata në Libi nuk është bazë për ndonjë ndërhyrje ushtarake të NATO-s. Çështja duhet të zgjidhet në Libi dhe rajon”, ka thënë ai.

Pothuajse i të njëjtit mendim ishte edhe kryeministri i Suedisë, Fredrik Rainfeld.