Tahiri: Serbia me pikëpamje të dala mode

Negociatorja e Kosovës në bisedimet mes Prishtinës dhe Beogradit e ka përshkruar homologun e saj serb si të “respektueshëm”, por të ngecur në pikëpamje të një bote të dalë mode.

“Ne nuk kemi vërejtur shumë ndryshime në pozicionin e qeverisë serbe në raport me realitetin e ri në Kosovë dhe në Ballkan. Duket sikur ata kanë ardhur me pikëpamjet e mëhershme, kur në të vërtetë gjendja ka ndryshuar,” ka thënë zëvendëskryeministrja e Kosovës, Edita Tahiri, për mediat në Bruksel.