BE “injoron” paralajmërimet e Putin, gati për të vendosur një kufi për çmimin e gazit rus

Organi ekzekutiv i Bashkimit Evropian ka propozuar kufizimin e çmimit të gazit rus, brenda disa orësh pasi lideri rus e dënoi idenë si marrëzi. Çmimet e energjisë janë rritur në vazhdën e pushtimit rus të Ukrainës, duke detyruar 27 shtetet e BE-së të ndërmarrin masa.

“Ne duhet të shkurtojmë të ardhurat e Rusisë që Putin përdor për të financuar këtë luftë mizore”, tha shefja e Komisionit Evropian Ursula von der Leyen. Por Putin tha se Moska do të reagonte ndaj një kufiri duke ndalur plotësisht furnizimet.

“Ne nuk do të furnizojmë gaz, naftë, qymyr, nuk do të furnizojmë asgjë, nëse kjo shkon kundër interesave të Rusisë ” tha ai.

Javën e kaluar, grupi i kombeve G7 njoftoi një kufi të çmimit për naftën ruse, një veprim për të cilin tha se do të reduktonte të ardhurat e Moskës për pushtimin e saj në Ukrainë dhe inflacionin në Perëndim.

Studiuesit finlandezë vlerësuan së fundmi se Rusia ka bërë 158 miliardë euro nga rritja e çmimeve të karburanteve fosile gjatë pushtimit gjashtëmujor, me importet e BE-së që përbëjnë më shumë se gjysmën e tyre. Duke folur në një forum ekonomik në qytetin lindor të largët të Vladivostok të mërkurën, udhëheqësi rus dënoi sanksionet si agresion ekonomik dhe një “ethe” që përbën një kërcënim për të gjithë botën.

Cilësia e jetës për evropianët po sakrifikohej ndërsa vendet më të varfra po humbnin aksesin në ushqim, argumentoi ai: “Tani po shohim sesi prodhimi dhe vendet e punës në Evropë po mbyllen njëra pas tjetrës”./ BBC

/rtsh.al/