BEJRUT – Libani: Të paktën 588 të vdekur në valën e sulmeve ajrore izraelite

BEJRUT, 24 shtator /ATSH-DPA/- Të paktën 588 persona janë vrarë dhe më shumë se 1 835 të tjerë janë plagosur në të gjithë Libanin jugor dhe lindor, tha sot Ministria e Shëndetësisë në Bejrut, mes valës më vdekjeprurëse të sulmeve ajrore izraelite kundër milicisë së Hezbollahut të lidhur me Iranin në dekada.

Ndërsa lufta në Gazë po i afrohet përvjetorit të saj të parë, duket se ka mbërritur përshkallëzimi i shumëpritur i konfliktit në Lindjen e Mesme.

Misioni i OKB-së në Liban ka shprehur shqetësimin lidhur me konfliktin.

Ndërsa numri i të vdekurve nga sulmet izraelite vazhdon të rritet, misioni i Kombeve të Bashkuara në Liban bëri thirrje për shmangien e përshkallëzimit dhe mbrojtjen e jetëve të civilëve.

Në një deklaratë, Forcat e Përkohshme të Kombeve të Bashkuara në Liban (UNIFIL) shprehën shqetësim të madh për sigurinë e civilëve në Libanin jugor – mes fushatës më intensive të bombardimeve izraelite që nga tetori i kaluar.

“Sulmet ndaj civilëve nuk janë vetëm shkelje të së drejtës ndërkombëtare, por mund të përbëjnë krime lufte”, shtoi UNIFIL. //a.i/