BERLIN – Scholz uron Trump për fitoren, premton bashkëpunim të vazhdueshëm
BERLIN, 6 nentor /ATSH-DPA/- Kancelari gjerman Olaf Scholz ka uruar Donald Trump, pasi ish-presidenti amerikan duket i gatshëm të kthehet në Shtëpinë e Bardhë.
“Unë e përgëzoj Donald Trump për zgjedhjen e tij si president i SHBA-së. Për një kohë të gjatë, Gjermania dhe SHBA-ja kanë punuar së bashku me sukses duke promovuar prosperitetin dhe lirinë në të dy anët e Atlantikut. Ne do të vazhdojmë ta bëjmë këtë për mirëqenien e qytetarëve tanë”, shkroi sot Scholz në X.
Fox News e kishte shpallur tashmë kandidatin republikan Trump fitues të përgjithshëm kundër demokrates Kamala Harris, por rrjetet e tjera mediatike dhe agjencia amerikane e lajmeve AP nuk e kanë bërë këtë. Trump e shpalli veten fitues në një fjalim në Florida. //a.i/