BM – Sunak: Urdhërarrestet e ICC për Netanyahun dhe krerët e Hamasit thellësisht të padobishme

LONDËR, 21 maj /ATSH-DPA/ – Thirrja për urdhërarreste për liderët izraelitë dhe të Hamasit është thellësisht e panevojshme dhe nuk do të bëjë asnjë ndryshim në marrjen e ndihmës për Gazën dhe arritjen e një armëpushimi të qëndrueshëm, deklaroi kryeministri britanik, Rishi Sunak.

Kryeprokurori i Gjykatës Ndërkombëtare Penale (ICC) tha se do të kërkojë një urdhërarresti për kryeministrin izraelit Benjamin Netanyahu së bashku me ministrin e Mbrojtjes Yoav Gallant dhe udhëheqësit e Hamasit Yehya Sinwar, Mohammed Deif dhe Ismail Haniyeh.

Sunak e quajti lëvizjen një “zhvillim thellësisht të panevojshëm” pasi ai këmbënguli se nuk kishte ekuivalencë morale midis Hamasit dhe qeverisë izraelite.

Karim Khan, kryeprokurori i Britanisë në Gjykatën Penale Ndërkombëtare, tha se ”liderët ishin përgjegjës për krimet e luftës në Gaza dhe Izrael”.

”Ky është një zhvillim thellësisht i panevojshëm. Sigurisht që është ende subjekt i një vendimi përfundimtar, por është ende thellësisht i padobishëm”, shtoi Sunak./   /os/