BRUKSEL – Zelensky, Sandu diskutojnë anëtarësimin në BE

BRUKSEL, 4 nëntor /ATSH/ – Liderët e Ukrainës, Moldavisë dhe Ballkanit Perëndimor do të marrin pjesë në një ngjarje të veçantë live në Bruksel për të promovuar kandidaturat e tyre për t’u bashkuar me Bashkimi Evropian në një moment kritik gjeopolitik, sipas “Euronews”.

Ata do të shoqërohen nga komisionerja për Zgjerimin e BE-së, Marta Kos, në ditën kur ajo prezanton raportin e saj  për zgjerimin

Një draft i përfundimeve të raportit thotë se bisedimet me Shqipërinë arritën një moment të paprecedent këtë vit, me përgatitjet për hapjen e grupkapitujve të  fundit të reformave para fundit të vitit që tani janë “mirë të avancuara”.

Në rastin  e Malit të Zi, nëse Podgorica vazhdon ritmin aktual të reformave, është “në rrugë” për të arritur objektivin e saj ambicioz për negociata të mbyllura pranueshmërie deri në fund të vitit 2026.

Trendet negative të fundi në luftën kundër korrupsionit duhet të përmbysen dhe ritmi i reformave të përshpejtohet nëse Ukraina synon të mbyllë negociatat e anëtarësimit deri në fund të vitit 2028.

Objektivi i Moldavisë për të mbyllur negociatat deri në fund të vitit 2028 është “ambicioz, por i arritshëm”, megjithëse reformat do të duhet të përshpejtohen.

Serbia duhet të intensifikojë përpjekjet për t’u harmonizuar më ngushtë me politikën e përbashkët të jashtme dhe të sigurisë së BE-së dhe duhet “të përmbysë urgjentisht prapambetjet” në disa fusha.

Së fundmi, Maqedonia e Veriut “nuk ka marrë hapa vendimtarë” këtë vit për të avancuar në proces. /Ad.Ab./