Balla takon ambasadorin Bergner: Gjermania mbështet fuqimisht rrugën tonë drejt BE-së

TIRANË, 10 prill/ATSH/ Kryetari i grupit parlamentar të Partisë Socialiste, Taulant Balla zhvilloi sot një takim me ambasadorin e Gjermanisë në Tiranë, Karl Bergner, ku në fokus të bisedimeve ishte procesi i negociatave të anëtarësimit të Shqipërisë në Bashkimin Europian.

Gjatë takimit, dy palët shkëmbyen mendime për hapat e ardhshëm në procesin integrues dhe theksuan rëndësinë e mbështetjes së fortë gjermane për Shqipërinë në rrugën e saj europiane.

Balla nënvizoi rolin që do të luajë grupi parlamentar i Miqësisë mes Shqipërisë dhe Gjermanisë në Kuvend, si instrument i rëndësishëm për forcimin e bashkëpunimit dypalësh dhe nxitjen e investimeve gjermane në vend.

Gjermania është një ndër partnerët strategjikë të Shqipërisë brenda BE-së dhe ka qenë vazhdimisht zë mbështetës i procesit të zgjerimit të bllokut europian në Ballkanin Perëndimor.

/m.m/