Ballsh, përplasen dy mjete, vdes 18 vjecari

BALLSH- Aksident me pasojë vdekjen në vendin e quajtur kthesa e Visokës në Ballsh. Si pasojë e terrenit të rrëshqitshëm, 2 mjete janë përplasur ndërsa ka mbetur i vdekur një 18 vjecar e 2 persona të tjerë janë plagosur.

Burime nga policia bëjnë të ditur se 18-vjecari Xh.Begaj gjeti vdekjen në vendngjarje ndërsa Xhemal Lamaj dhe bashkëshortja e tij kanë mbetur të plagosur dhe fatmirësisht janë jashtë rrezikut për jetën.

Policia ka mbërritur menjëherë në vendngjarje dhe ka nisur hetimet për zbardhjen e aksidentit të rëndë që i kushtoi jetën të riut 18 vjecar.
(e.n/BalkanWeb)