Banda e Laert Haxhiut/ Të dielën caktohen masat e sigurisë, i penduari merret sërish në pyetje

Grupi i të arrestuarve si pjesë e bandës së Laert Haxhiut pritet të njihen të dielën me masat e sigurisë që Gjykata ka aktuar për ta.

Prokuroria e Elbasanit ka dorëzuar dosjen voluminoze dhe do të kërkojë masën e sigurisë me burg për 13 anëtarë të grupit, seancë e cila pritet të zhvillohet në orën 10 në Gjykatën e këtij qyteti.

6 anëtarë të grupit ndodhen në burg, të arrestuar më herët për ngjarje të tjera, mes tyre edhe koka e grupit Laert Haxhiu i prangosur nga autoritetet greke në shtetin fqinj, 5 të tjerë u arrestuan në qytetet e Tepelenës, Peqinit dhe Pogradecit dhe 4 janë shpallur në kërkim .

Burime pranë Prokurorisë së Elbasanit bëjnë me dije se njeriu që u shndërrua në të penduar të drejtësisë dhe që zbuloi 5 vrasje dhe disa ngjarje kriminale u rimor në pyetje këtë të shtunë.

Artan Tafani mendohet të jetë pyetur edhe për ngjarje të tjera që mund të ketë kryer grupi i Laert Haxhisë. 

I penduari u arrestua për grabitjen e një shume të konsiderueshme në pikë volute në zonën e Astirit, dhe më pas ka pranuar të bashkëpunojë dhe të tregojë për aktivitetin kriminal të bandës, roline secilit prej pjestarëve në 5 vrasje dhe në të paktën 5 ngjarje të tjera si vendosje eksplozivi.

Mes të tjerash në rrëfimin e Artan Tafanit thuhet se brenda 24 orëve grupi i Laert Haxhiut ka kryer dy vrasje.

Gazetar: Kreshnik Mersinllari

/rtsh.al/