Banka Botërore, tre kandidatë në garë për President

Tre kandidate garojnë mes tyre për t`u vënë në krye të Bankës Botërore. Bordi i bankës do të shqyrtojë kandidaturën e Xhim Jong Kimit të SHBA-së, Hose Antonio Okampos së Kolumbisë dhe Ngozi Okonjo-Ivealas së Nigerisë.

Bordi i bankës tha se që të tre kandidatët janë intervistuar dhe emri i fituesit, që do ta zëvendësojë Robert Zollikun, do të bëhet i ditur muajin e ardhshëm.

Tradicionalisht, president i Bankës Botërore është një amerikan, ndërkaq i Fondit Monetar Ndërkombëtar një europian.

Megjithatë, shumë shtete kanë akuzuar se kjo nuk është korrekte dhe dëshirojnë që postin ta mbajnë edhe kandidatët nga shtetet tjera.