Banoret ne alarm, gropa do te jete per mbetje teknologjike

RUBIK - Banoret e qytetit te Rubikut prej disa ditesh jane te alarmuar per faktin se ne territorin e tyre, rreth 700 metra nga ekstremi verior i qytetit, nje firme e huaj ka filluar ndertimin e nje grope shume te madhe, ku mund te groposen mbeturina te rrezikshme per jeten e banoreve. Gropa gjigante, qe shkon ne disa qindra metra katrore, tashme eshte ne te perfunduar dhe pritet akomodimi aty i mbetjeve te ndryshme, per te cilat ende nuk ka asnje hollesi per perberjen e tyre. Ne fakt nje investim i tille dy muaj me pare ka nisur te ndertohej ne afersi te Uzines se Superfosfatit ne Lac, por ajo u pezullua, per shkak te rezistences se banoreve, te cilet paten protestuar ashper kunder saj. Nderkohe qe, sipas banoreve te Rubikut, ideatoret e ndertimit te ketij varri gjigant mbetjesh teknologjike jane munduar qe ta shmangin pushtetin vendor te qytetit te tyre, duke e bere ndertimin ne fjale, ne nje prone te uzines se Rubikut, qe eshte nen juridiksionin e Ministrise se Energjetikes, pasi ne ate vend ka qene magazinuar skoriet e Uzines. Por, Keshilli Bashkiak i qytetit nje dite me pare ka bere nje mbledhje urgjente per te sqaruar situaten. Kjo ka ardhur pas ankesave te shumta te banoreve, te cilet e kane pare me shume shqetesim nje ngjarje te tille. Edhe pse nje dite me pare Keshilli Bashkiak i Rubikut dhe qytetare te ndergjegjesuar per rrezikun qe i kanoset atyre, kane vendosur postera gjigante, ku njoftonin banoret te merrnin pjese ne mbeshtetje te Keshillit Bashkiak, ka ngjare si ne fushata te ethshme elektorale, pasi njerez misterioze i kane grisur menjehere ato. Megjithate, anetaret e keshillit dhe qytetaret kane diskutuar gjate per shqetesimin e tyre dhe te banoreve te tjere, dhe ne fund kane vendosur t'i drejtohen Ministrise se Energjetikes dhe asaj te Mjedisit per sqarime te metejshme.

Sipas punonjesve, qe po merren me hapjen e gropes thone se ne kete grope do te demolohen shtresat e ndryshme te Metalurgjise se Rubikut, por ky eshte nje version qe mbetet te besohet shume pak. Kjo sepse, sipas specialisteve ne Rubik, nje intervenim i tille nuk eshte aspak i nevojshem pasi mbetjet ne Uzinen e Rubikut nuk kane pasur kurre reagjente me permbajtje te rrezikshme cianuri. Madje skandali behet edhe me i madh kur mesohet fakti se per ndertimin e kesaj grope per demolimin e mbetjeve te Metalurgjise jane vene ne dispozicion plot 4.2 milione euro, kur ne preventivat perkatese thuhet se me 3.5 milione USD, e gjithe fabrika mund te vihet ne pune efektive per shkrirjen e bakrit.

Aleksander Ndoja