Basha: Operacioni i suksesshem, kujdes me ujin
Shkoder-Ministri i Brendshem Lulzim Basha, i cili kryeson Komitetin Nderministror te Emergjencave Civile, gjate nje deklarimi publik diten e djeshme, beri bilancin e situates aktuale ne Qarkun e Shkodres. Basha e konsideroi te suksesshem kete operacion, i cili nuk shenoi asnje humbje jete. Ai tha se situata aktuale eshte permiresuar, nderkohe qe niveli i ujerave ne hidrocentrale eshte ulur ndjeshem. Sipas tij, situata eshte permiresuar ndjeshem si ne Shkoder, ashtu edhe ne hidrocentralet e kaskades se Drinit, te cilat jane kthyer ne kuota normale. Tashme tha Basha, prioritet kryesor eshte mbeshtetja e vazhdueshme per banoret e zonave te permbytura, kontrolli i gjendjes se argjinaturave dhe kanaleve te kullimit, si dhe kontrolli i Ujesjellesve ne te gjitha njollat e permbytjes dhe ne zonen jashte permbytjes, ku ka popullsi te evakuuar. "Prioritet i operacionit, vazhdon te mbetet permiresimi i logjistikes brenda dhe jashte njolles se permbytjes me ushqime, uje te pijshem, medikamente dhe ushqime per bagetine",-tha Basha. Ministri tha se u eshte dhene urdher banoreve te mos konsumojne ujin e Ujesjellesit te Shkodres per dy dite, deri ne nje verifikim te dyte nga mjeket dhe specialistet e Institutit te Shendetit Publik. Donacionet e dhena per permbytjet, sipas Ministrise se Financave jane 110 milione leke dhe 250 mije euro. Basha, kreu i Komitetit te Emergjences, konfirmoi se jane evakuuar gjate emergjences, 5.173 persona ndersa ishin permbytur 11.400 hektare toke, ndersa 2.649 banesa u ndodhen nen uje. Ministri i Brendshem beri nje bilanc te punes nga dita e pare e permbytjeve, deri ne momentet aktuale.
Rreziku nga ujerat e zeza
Terheqja e ujit nga zonat e permbytura ka nxjerre ne plan te pare nje tjeter problem imediat, ate te pranise se ujerave te zeza. Pas dy jave permbytjesh, banoret po kthehen ne territoret e tyre te banimit, por me nje bilanc te madh demesh. Ai qe kercenon tashme shendetin e tyre, eshte rreziku i perhapjes se epidemive. Me e veshtire situata paraqitet ne lagjen periferike "Salo Halili" ne Shkoder, ku prej 4 ditesh jane prezent ujerat e zeza. Situata eshte perkeqesuar kur ka nisur dhe thithja e ujit me motopompa, pasi ato thithin edhe ujin e pusetave, e ujerave te zeza te lagjes "Xhabije" dhe i derdhin ne lagjen "Salo Halili", qe eshte afer lumit Buna qe me pas ujerat te derdhen ne lum. Pas dy jave permbytjesh, situata me e veshtire paraqitet ne komunat Velipoje, dhe Bushat ku renia e nivelit te ujit eshte e paket. Shtabi i emergjencave eshte perqendruar ne riparimin e argjinaturave ne komunat e Velipojes, dhe te Dajcit. Ne Berdice jane larguar kafshet e ngordhura dhe eshte bere dezinfektimi i zones.
Ja ndihmat e shperndara pe banoret e permbytur
Sipas Ministrit te Brendshem, jane transportuar dhe shperndare 315 tone ushqime, 115.6 tone uje te pijshem, 95.8 tone koncentrat per kafshet, 174 cadra, 295 pelerina, 280 pale cizme, 8 gjeneratore, 9 pompa te medha, 5000 xhupa, 1500 pale corape, kostume policie 180 komplete, 80 ton detergjent. Jane perforcuar 1150 m linear argjinature, me 5 fadroma te Forcave te Armatosura, jane perforcuar nenstacionet elektrike me 970 thase me rere, jane zhvendosur 1492 m kub inerte me 5 fadroma te ushtrise. Sipas te dhenave nga Drejtoria e Pergjithshme e Rezervave te Shtetit jane vene ne dispozicion te operacionit humanitar 330 tone ushqime, 225 tone uje i pijshem, 3.2 tone detergjent, 54 tone koncentrat bar, kashte, etj, Te shperndara sipas komunave 221 mije tone ushqime, nga ku bashkia Shkoder 20 tone, Ana e Malit 29 tone, Dajc 65 tone, Velipoje 42 tone, Berdice 22 tone, Guri i Zi 10 tone, Bushat 28,5 tone, Komuna Qender 2 tone, Vau i Dejes 3.5 tone dhe Komuna Rrethine 2 tone. Ne asistencen shendetesore jane perfshire mbi 370 mjeke, infermiere, personel ndihmes me logjistike. Jane kryer mbi 6 mije vizita mjekesore dhe jane kryer mbi 800 analiza.
Raporti, forca e ushtrise dhe policise ne krye te operacioneve
Strukturat e policise kane angazhuar 579 trupa policie te Drejtorise se Policise se Shkodres dhe Tiranes, Drejtorise Rajonale te Kufirit, Forcave te Nderhyrjes se Shpejte, Tirane, Fier, Shkoder, Forcave Renea, Delta, 150 vete personel i kombinuar i Gardes se Republikes dhe Rezervave te Shtetit. Jane perdorur 60 automjete, 50 mjete lundruese, tre helikoptere. Ne te gjitha komunat dhe fshatrat e permbytura jane dislokuar forca te policise, ne sherbim 24 ore, si dhe ne cdo zone te permbytur eshte ne sherbim nje patrulle policie. jane kryer kontrolle te policise ne menaxhimin e trafikut si dhe ruajtjen e rendit dhe qetesise publike ne keto zona.
Per nevoja te banoreve jane transportuar me mjete lundruese nga Dajci ne Muriqan dhe anasjelltas, 367 persona, jane transportuar per ne spital 6 te semure, 4 me mjete lundruese dhe 2 me automjete. Jane transportuar ekipet e specialisteve te digave dhe lumenjve te huaj dhe vendas dhe ne kombinim me Forcat e Armatosura eshte transportuar me ane te tankeve, nje sasi ushqimore dhe uji te pijshem, medikamente dhe ushqim per bagetite. Vetem ne Muriqan kane vepruar 4 mjete lundruese te policise, nje skaf dhe dy gomone, te cilat kane realizuar transport me mesatarisht 6 deri ne 8 rruge ne dite. Rruget ne hyrje te qytetit dhe lagjet periferike "Bacallek", "Ajasem", "Kiras", jane angazhuar 14 punonjes policie, komuna Velipoje 11 punonjes, ne Berdice 38, Ana e Malit 34, Bushat 31, Guri i Zi 31 punonjes policie, etj.