Topalli: PS, ne Kuvend ose humb mandatet
Kryetarja e Kuvendit, Jozefina Topalli, reagoi dje menjehere pas pergjigjes negative te deputeteve socialiste, pra per te mos hyre ne Kuvend, duke theksuar se Kushtetuta do te zbatohet per mandatet. Duke iu kunderpergjigjur deputeteve te PS-se, te cilet nuk ngurruan aspak te refuzojne ftesen e kryetares per t'iu rikthyer punimeve te Kuvendit, Topalli tha se nuk behet fjale per kercenime, por thirrje, sepse mandati po iu mbaron. "Rregullat nuk i beje une, une i zbatoj ato. Keto rregulla jane votuar me konsensus, te shkruara nga zoti Rama dhe deputetet e PS-se, te votuara me nje numer te madh votash nga ai, me te cilat u miratuan ndryshimet kushtetuese. Kushtetuta eshte e qarte ne lidhje me afatet, skadimin, mbarimin e mandatit apo berjes se mandateve te pavlefshem", beri te qarte Topalli. Ajo informoi se thirri edhe mbledhjen e Konferences se Kryetareve, per te plotesuar kerkesen e deputeteve te opozites, per te pasur diten e hene nje seance te Jashtezakonshme per emergjencen ne Shkoder. "Eshte e vertete qe mazhoranca ka qene 24 ore ne 24 ore ne Shkoder. Opozita ndryshe nga mazhoranca beri nje kerkese, ne menyre te vecante deputetet e Qarkut te Shkodres dhe konferenca vendosi t'i pergjigjet pozitivisht kesaj kerkese, duke afruar seancen e pare te parashikuar per diten e enjte, ne diten e hene dhe te kete ne rendin e dites, vetem ceshtjen e situates se emergjences civile ne Qarkun e Shkodres", u shpreh kryetarja. Por mesa duket, tentativa e saj per "paqe" deshtoi edhe kete here, pasi nga kampi socialist nuk ka asnje sinjal per rikthim te mundshem ne Kuvend. Pa pranuar te komentoje deklaraten e prere te kreut socialist, Edi Rama, se PS nuk do te hyje ne Kuvend pa u hapur me pare kutite, Topalli tha se komunikimi i saj eshte me deputetet. Pra jo me ata qe jane jashte Parlamentit, institucionit qe ajo drejton. "Une jam kryetare e Parlamentit, une komunikoj me deputetet, me secilin prej tyre. Detyra ime ishte qe te ftoja Konferencen e Kryetareve dhe une falenderoj Konferencen qe vendosi t'i jape nje pergjigje pozitive kerkeses se deputeteve te opozites, per nje seance te Jashtezakonshme", u kunderpergjigj Topalli. Sipas saj, tashme eshte ne doren e deputeteve socialiste, te vleresojne te hyjne ne Kuvend dhe te mos humbasin mandatin. "Komunikimi im permes letres ka qene nje komunikim institucional, perderisa ka qene per ne Parlament. Nuk ka qene ftese as per Cirkun e Tiranes, as per ne Klubin e Rrenave. Ceshtja e mandateve eshte ceshtje e deputeteve, nuk eshte ceshtje e subjekteve politike. Betimi eshte individual, vota eshte individuale, mandati i deputetit eshte personal dhe detyrimi i tyre, duke qene kushtetues, eshte qe ta ushtrojne kete mandat", theksoi kryetarja.