Basha: Pas 7 vitesh rrënim, askush nuk i beson më Ramës

Kryetari i Partisë Demokratike, Lulzim Basha deklaroi sot se
askush nuk i beson më Edi Ramës”.

“Pas 7 vitesh dështime dhe premtime të pambajtura, 7 vite mashtrime, vjedhje dhe dështime, 7 vite dhunë dhe terror ndaj familjeve shqiptare, 7 vite rrënim dhe manipulime, askush se beson më Edi Ramën. Boll më”, tha Basha.

2 ditë pas vrasjes së 25-vjeçarit Klodjan Rasha, protesta të dhunshme kanë përfshirë kryeqytetin dhe qytete të ndryshme të vendit.

Më herët, kryeministri Rama reagoi ndaj akuzave të kryetarit të PD-së, Lulzim Basha ndaj Policisë së Shtetit për rastin e vrasjes së Klodian Rashës.

“I fundit që mund të japë gjykime morale e të bëjë leksione karakteriale, për se si duhet të sillet Policia e Shtetit apo se si duhet të reagojë Ministri i Brendshëm, pas ngjarjes tragjike të natës së 8 dhjetorit, është kryetari kukull i opozitës, Lulzim Basha”, u shpreh Rama.