Basha: Plani i ri perfshin sugjerimet e qytetareve Luljeta Ndoka

Permbyllen konsultimet per planin e ri urbanistik te Tiranes. Gjate seances se fundit te konsultimeve ne njesine bashkiake nr. 2, kryetari i Bashkise se Tiranes, Lulzim Basha, tha se do te perfshihen te gjitha sugjerimet e arsyeshme te qytetareve dhe se ky draft-plan do te ndryshoje Tiranen dhe jeten e qytetareve te saj. Basha e vleresoi minibashkine 2 si njesine me te paurbanizuar te Tiranes, nje perceptim qe ndoshta e mbartin Lapraka, Selita apo Alliasi. Ndonese kufizohet nga arterie kryesore, perseri eshte njesia bashkiake me me pak metra lineare kanalizime, ujesjelles dhe rruge per fryme, per banore", - u shpreh kryebashkiaku i Tiranes, Lulzim Basha. Sipas tij, ky eshte rezultati i punes pa plan ne Bashkine e Tiranes dhe ky eshte kapitulli qe Bashkia do te mbylle. "Kjo eshte kusia e problemeve, te cilave duam t'u veme kapakun njehere e mire, me miratimin e planit urbanistik te Tiranes, planit te pergjithshem rregullues, qe do te jete edhe 'kushtetuta' urbane e Tiranes, per dhjete vitet e ardhshme", - tha Basha. Ai rikujtoi se para nje viti ne ate salle, bashkia vendosi prioritetet e investimeve, ne njesine bashkiake nr. 2. Konkretisht, rikualifikimin urban te sheshit tek Pazari i Ri dhe sheshit "Avni Rustemi", ndertimin e rruges "Gramoz Pashko", ndertimin e rruges "Bajram Allaraj", te rruges "Petro Nini Luarasi", rikonstruksionin e rruges "28 Nentori", rikonstruksionin e kopshteve 40, kopshtit 41, shkolles 9-vjecare tek "Ibrahim Brahja", ndertimin e shkolles se mesme tek "Hoxha Tahsin", rikonstruksionin e kopshtit 18, tek "Mihal Grameno" dhe te nje shkolle tjeter 9-vjecare per kete zone te qytetit, si dhe instalimin e ngrohjes ne 8 kopshte dhe 1 cerdhe. "Me miratimin e planit te pergjithshem rregullues per Tiranen dhe zberthimin e detajuar te ketij plani, sa i perket infrastruktures se kesaj zone, planifikimi i buxhetit jo vetem per vitin e ardhshem, por vit pas viti, do te jete me i lehte, me i tejdukshem dhe me i kontrollueshem se kurre me pare, sepse ky plan do te percaktoje qarte se cilat jane nevojat, cila eshte situata aktuale e kanalizimeve, ujesjellesit, rrugeve dhe cilat jane nevojat", - vijoi kryebashkiaku. Ai tha se ky plan nuk eshte buxheti, nuk eshte as ceku i bardhe, por eshte pa dyshim baza me e forte dhe transparente, per te vendosur ne shinat e zhvillimit qytetin per 10 vitet e ardhshme dhe per ta bere kete ne menyre te tille, qe cdo qytetar te dije se cfare po behet dhe te jete ne gjendje te vleresoje para dhe pas marrjes se vendimit, nese parate qe ky qytet shpenzon, qofshin ato te Bashkise apo te qeverise, po shkojne ne hierarkine e prioriteteve qe percaktohet nga hierarkia e problemeve.

Sugjerimet do te kalojne ne Keshill Bashkiak

Basha tha se plani ka te beje me interesat publike te qytetareve te Tiranes, ka te beje edhe me interesat private te qytetareve pronare te Tiranes, ndaj dhe plani nuk mund dhe nuk do te kaloje pa u marre plotesisht ne konsiderate mendimi i qytetareve te Tiranes. Ai premtoi se kur te kete perfunduar teresisht konsultimi edhe me ekspertet e fushes, kur te gjithe pyetjet, sugjerimet dhe komentet te jene marre dhe pergjigja te jete dhene bashkia do t'ia paraqese per miratim Keshillit Bashkiak dhe me pas Keshillit Kombetar te Territorit.

Me planin e ri, lejet e ndertimit jepen per 55 dite

Basha tha gjate seances se fundit te konsultimit me qytetaret se, me miratimin e Planit te ri Urbanistik, lejet e ndertimit, nga nje vegel misterioze te pushtetit te kryetarit te Bashkise dhe te tjereve perreth tij, do te kthehet ne nje mjet transparent dhe automatik ne duart e qytetareve te Tiranes, pronareve te Tiranes dhe zhvilluesve te Tiranes. Te gjitha procedurat do te mund te kryhen brenda vetem 55 ditesh. "Per kete arsye, eshte e domosdoshme qe procesi te jete i hapur dhe e nevojshme qe cdokush qe ka per te thene dicka ne kete proces, te kete mundesine dhe rastin ta thote", - vijoi Basha. Sipas tij, procesi do te mbyllet brenda nje kohe rekord, do te mbyllet dhe do t'i jape Tiranes instrumentin e munguar te transparences.

Hoxha: Ku do te shtrihen 5 unazat e Tiranes

Nereida Hoxha, Drejtoresha e Transportit dhe Levizshmerise ne Bashkine e Tiranes, vleresoi se jane parashikuar 5 unaza. E para propozohet te kaloje ne rrugen "Luigj Gurakuqi", mbrapa Pallatit te Kultures, te dale ne rrugen "Bardhok Biba" e "Urani Pano", ku nderpritet me bulevardin "Zogu I", ndersa segmenti tjeter fillon tek rruga "Luigj Gurakuqi", vazhdon pergjate "George Bush" per te dale tek bulevardi "Zhan D'Ark" dhe per t'u mbyllur Unazen nga bulevardi "Deshmoret e Kombit" deri tek "Luigj Gurakuqi".Unaza e dyte do te kaloje ne rrugen "Manol Konomi", duke u nderprere me rrugen "Hoxha Tahsim", per te vijuar ne rrugen "Johan Von Hahn" deri tek nderprerja me bulevardin "Zhan D'Ark". Unaza 3 eshte tashme e formuar ne gjurmen ekzistuese, duke pershkuar rrugen "Arkitekt Kasemi", bulevardi "Zhan D'Ark" dhe "Bajram Curri". Plani propozon zgjatimin e brigjeve te Lanes deri tek Ura e Shkozes e me tej, tek lidhja me Unazen 5. Unaza 4 parashikohet te kaloje nga rruga "Kristo Luarasi" (poshte diges se Liqenit) me tunel per t'u nderprere me rrugen e Elbasanit dhe duke vazhduar deri tek zgjatimet e te dy kraheve te Lanes. Unaza 5 vazhdon nga segmenti tek Kopshti Zoologjik, duke kaluar ne rrugen "Selim Brahja", ku nje segment ben lidhjen deri tek rrethrrotullimi ne Sauk dhe segmenti tjeter vazhdon me pjesen lindore te Unazes, deri tek rrethrrotullimi tek ish - Uzina Traktori.