Basha: Si do ta ndryshoje Tiranen plani urbanistik Luljeta Ndoka
Bashkia e Tiranes ka konsultuar dje planin urbanistik ne minibashkine me numer 1. Kesaj here, kryebashkiaku Lulzim Basha, arkitekti Agron Lufi dhe drejtoresha e Transportit dhe Levizshmerise, Nereida Hoxha, kane shpjeguar para qytetareve detaje teknike te planit, duke ftuar qytetaret qe te bejne sugjerimet e tyre. Basha u shpreh dje pasdite se zonat qe per nga natyra i perngjajne pronave rurale, neser do te jene jo vetem nje potencial zhvillimi per pronaret e ligjshem te tyre, por edhe nje hapesire per te shtuar parqe te gjelbra, kende lojerash per femije dhe institucione social-kulturore, qe nga cerdhet, kopshtet deri tek shkollat. "Kemi ne kete zone, potenciale per te vazhduar me tej me traditen e objekteve qe punesojne, objekte industriale, kryesisht industrise fasone, si dhe hapesira te mjaftueshme jo vetem per banoret e njesise vendore nr. 1 por per te gjithe qytetin, per te vazhduar ne kuader te ndertimit te objekteve sociale, te tilla si banesat sociale, pra nje shumellojshmeri propozimesh do te paraqitet sot para jush, per vemendjen tuaj dhe natyrisht per pyetjet, sugjerimet dhe komentet tuaja", - iu drejtua Basha qytetareve. Ai u shpreh se Bashkia vjen para qytetareve te Tiranes me vendosmerine qe ky draft-plan te kthehet ne nje plan vetem kur te jete krijuar bindja e plote se i sherben ne menyren me te plote te mundshme, interesave te qytetareve te Tiranes dhe ku askush nuk ndihet i penalizuar. Gjithashtu, Basha shprehu bindjen se plani, pas miratimit, do t'i sherbeje ketij brezi dhe brezave te ardhshem, sepse ne thelb te tij eshte qendrueshmeria, ne thelb te tij eshte ndertimi i se ardhmes dhe jo ndertimi i se sotmes dhe grabitja e se ardhmes. Me pas ka folur arkitekti i njohur Agron Lufi, i cili ka vene ne dukje se ky plan merr persiper nje planifikim 15-vjecar per zhvillimin e mundshem dhe potencialet e mundshme qe ky qytet duhet te zhvilloje. "Kuptohet qe ky qytet duhet te zhvillohet mbi bazen e tre elementeve kryesore, qe eshte banimi, zhvillimi i rrjetit punetor dhe njekohesisht edhe rekreativ. Atje ka nje plan qe do te mendohej edhe per zhvillimin e rrjetin te transportit dhe telekomunikacionit pa te cilin nuk ka jete dhe dinamizem ne jeten qytetare", - tha Lufi. Ai u shpreh se struktura e Tiranes duhet te paraqitet dhe ne te ardhmen duhet te tentohet te zhvillohet jo vetem ne qender, por edhe ne periferi. "Plani i pergjithshem merr persiper si dendesi, synimet per te investuar ne qender t'i shperndaje dhe t'i beje njerezit te interesuar te investojne edhe ne periferi", - vijoi Lufi. Sipas tij, plani ka zhvilluar njekohesisht nje skeme pergjithesisht harmonike dhe skema me harmonike e planit te zhvillimit do te ishte skema radialo-koncentrike, pra nese nje qytet zhvillohet me Unazat e tij, zhvillohet njekohesisht edhe degezimet ne forme radiale qe fillojne nga qendra e shkojne drejt periferise, kemi skemen me ideale dhe Tirana, ne menyre shume te natyrshme, ka nje harmoni natyrore te zhvilluar ne pellgun e saj, e cila e kerkon nje skeme te tille.