Bashkia: 16 anetare te qeverise pa paguar taksat
Sonila Isaku
Bashkia e Tiranes ne kete fundviti ka nxjerre debitoret te cilet nuk kane paguar taksat e pushtetit vendor. Te dhenat tregojne se jane 6 ministra dhe 10 zv/ministra te cilet nuk kane paguar tarifat e pastrimit, gjelberimit, pasurise etj.
Taksat
Zedhenesja e Bashkise se Tiranes, Joana Bushi gjate nje deklarate per shtyp ka bere te ditur se 16 anetare te qeverise rezultojne se jane buxhetore ndaj pushtetit vendor per vete faktin se nuk kane paguar taksat. Deklarata e Bushit eshte si kunderpergjigje e akuzave te zv/ministrit te Brendshem Ferdinand Poni ne drejtim te bashkise se Tiranes. Nderkohe sipas ketij institucioni numri dy i Ministrise se Brendshme ka tre vite pa paguar taksat. "Rekordin e thyen nje nga ndotesit me te medhenj, vete shtetasi Ferdinad Njazi Poni, zv/Minister i Brendshem, i cili ka 3 vjet pa paguar asnje takse apo tatim, pra nje shkelje e ligjit me te dyja kembet. Shtetasi Fernand Njazi Poni, pervec te tjerash eshte zeri me i cirrur i politikes se perbaltjes, ai i kujton cdo dite Bashkise se Tiranes mes shpifjesh, zbatimin e ligjit, te cilin ai e perbuz" eshte shprehur zedhenesja e bashkise, Joana Bushi. Sipas saj, zv/ministri i brendshem eshte bere kallezim penal per shpifje per shkak te detyres.
Lista
Ne listen e ministrave te cilet nuk kane paguar taksat vendore, pergjithesisht jane ministra te cilet kete vit kane marre detyren sic eshte Ministri i Shendetesise, Petrit Vasili, Ministri i Arsimit, Myqerem Tafaj, Ministri i Mbrojtjes, Arben Imami. Nderkohe qe jane edhe dy ministra te tjere si Olldashi, Basha dhe Nishani. Nderkohe ne emrat e zv/ministrave nje pjese e tyre jane te rinj te emeruar pas kabinetit te zgjedhjeve te 28 qershorit. Por ka edhe zv/ministra te tjere dhe kryesisht femra sic jane Edit Harxhi zv/Ministre e Jashtme, Iva Zajmi zv/Ministre e Brendshme, Zana Xhuka zv/Ministre e Mbrojtjes dhe Jorida Tabaku Zv/Ministre e Integrimit.
Pa taksa
Lista e antareve te qeverise
Lulezim Basha Minister i Brendshem
Arben Imami Minister i Mbrojtjes
Bujar Nishani Minister i Drejtesise
Sokol Olldashi Minister i Puneve Publike
Myqerem Tafaj Minister i Arsimit dhe Shkences
Petrit Vasili Minister i Shendetesise
Edit Harxhi Zv/Ministre e Jashtme
Iva Zajmi Zv/Ministre e Brendshme
Zana Xhuka Zv/Ministre e Mbrojtjes
Jorida Tabaku Zv/Ministre e Integrimit
Nezir Haldeda Zv/Minister i Financave
Alfred Rushaj Zv/Minister i Financave
Neritan Alibali Zv/Minister i Ekonomise dhe Energjitikes
Eno Bozdo Zv/Minister i Ekonomise Energjitikes
Edmond Haxhinasto Zv/Minister i Puneve Publike
Ferdinand Poni Zv/Minister i Brendshem
Imami: Kam paguar taksat cdo vit
Menjehere pas deklarates se Bashkise per mospagim te taksave lokale nga qeveritare, kane reaguar keta te fundit. Ka qene Ministri i Brendshem, Armen Imami i cili ka theksuar se ka paguar taksat cdo vit. "Taksat lokale jane paguar nga ana ime cdo vit, duke perfshire edhe vitin 2009, brenda afatit te parashikuar dhe kjo mund te vertetohet lehtesisht nga libreza e taksave vendore. Shperndarja me fleterrufe e nje informacioni qe per me shume eshte i rreme, flet per metodat e denigrimit te personave qe perdor Bashkia e Tiranes, ne shkelje te plote te privatesise se individit" ka pohuar Imami. Sipas tij, Bashkia e Tiranes ka zhdukur te dhenat nga sistemi kompjuterik.