Humbet 95-vjecarja, gjendet e vdekur ne kanalin e repartit

Durres- Nje 95-vjecare eshte gjetur e vdekur prane nje kanali ne Durres, vetem pak metra larg repartit ushtarak te Porto-Romanos. Familjaret e kishin shpallur te humbur te moshuaren, ndersa policia vendore u vu ne alarm pas njoftimit per trupin e pajete.
Ngjarja ndodhi diten e djeshme, kur H. H., eshte gjetur e vdekur buze nje kanali prane Depos Ushtarake te Minave ne Porto Romano. Kane qene familjaret banues ne lagjen nr. 15, qe lajmeruan policine. Sipas tyre e moshuara kishte dale nga banesa dhe nuk ishte kthyer me. Nga veprimet e para hetimore, policia deklaroi se e moshuara prej kohesh vuante nga semundje te zemres, melcise dhe sklerozes, per te cilat edhe kurohej.
Nga keqyrja e jashtme te kufomes nuk u konstatuan shenja te dhunes fizike dhe mendohet se shkaku i vdekjes eshte infarkti kardiak. Familjaret i thane grupit hetimor se edhe me pare 95-vjecarja kishte kaluar infarkt per shkak te moshes dhe semundjeve. Hetimet per kete rast po i ndjek prokuroria.