Baza e PS: Edi Rama po krijon oborrin e tij
Transparenca e zgjedhjeve te pergjithshme, ka qene nje nga ceshtjet me te rendesishme per Partine Socialiste. Por te njejtin problem, me mungesen e besueshmerise ne administrimin e votes kane dhe vete socialistet, me kryesine dhe drejtuesit e tyre. Largimi nga gara i rreth 100 kandidateve per kryetar te PS-se ne rrethe, ka sjelle dhe reagimin e ketyre te fundit. Pas Kucoves, dje kane reaguar dhe kandidatet e eliminuar ne Vlore, Kolonje dhe Devoll. Ne reagimet publike, kandidatet u shprehen, se selektimi u be ne menyre te njeanshme, pa transparence dhe duke zgjedhur njerez qe nuk kane lidhje me PS-ne. Kandidatet deklarojne se vendimi i kryesise per perzgjedhjen e njerezve qe do te drejtojne deget e PS-se ne rrethe, do te demtoje opoziten ne zgjedhjet vendore, duke qene se kandidatet nuk kane mbeshtetjen e bazes. Debate te ashpra ka pasur ne nje prej rretheve ku PS-se drejton pushtetin vendor. Dy kandidatet te zgjedhur nga forumet e PSse, Albert Gjondeda dhe Arqile Mishtaku, deklarojne se jane hequr padrejtesisht nga gara. Ndersa, kane akuzuar drejtuesit e PS-se se Vlores per "mungese transparence, korrupsion e shkelje te statutit te partise". Kandidati i hequr nga lista, Albert Gjondeda, tha se "eleminimi" i tij eshte bere, per te futur ne gare nje te aferme te kryetari te Bashkise se Vlores, Shpetim Gjika. Sipas tij, pas ketij vendimi fshihen tenderet e ndertimit dhe interesat ekonomike me kryetarin aktual te bashkise. Gjondeda ka denoncuar dhe mungesen e transparences, duke qene se per heqjen nga lista i jane dhene "tre versione te ndryshme". Por problemet mes socialisteve te Vlores, kane arritur deri dhe ne perplasje fizike. Kandidati Arqile Mishtaku, eshte ndaluar qe te jape nje deklarate per mediat ne seline e PS-se, te ketij qyteti. Ai eshte detyruar ta lexoj deklaraten jashte zyrave te PS-se dhe ka denoncuar mungesen e transparences ne perzgjedhjen e kandidaturave dhe ne zhvillimin e gjithe procesit. Nga ana tjeter, Mishtaku ka denoncuar dhe listat e votimit qe do te perdoren ne PS, duke i cilesuar ato si te manipuluara. Ndersa shumica e anetareve te Asamblese Socialiste ne Kolonje dhe Devoll, nenshkruan nje deklarate te perbashket, ku bejne te qarte, se do te bojkotojne zgjedhjet e dites se diel nese nuk perfshihen ne lista te gjithe kandidatet. Nje nga kandidatet e eliminuar te Devollit, Alfred Gjata, deklaroi se perzgjedhja eshte bere mbi bazen e preferencave te kryetarit te PS-se, Edi Rama. "Perzgjedhja e emrave, eshte bere mbi bazen e preferencave personale te Rames, i cili synon te krijoje nje oborr te vetin me njerez, te cilet nuk kane asnje kontribut ne PS. Emerimet e kryetareve te degeve lokale, e kane demotivuar bazen socialiste dhe do te sjellin pasoja ne zgjedhjet lokale", u shpreh Gjata. Q. Xhani