Belgjika ofron bashkepunim per arrestimet dhe ekstradimet

Tirane- Belgjika do te bashkepunoje me Policine e Shtetit, ne fushat e shkembimit te informacionit dhe ekzekutimit te flete-arresteve, apo ekstradimet e kerkuara nga gjykatat respektive. Ky ka qene rezultati i frytshem i takimit mes ministrit te Brendshem, Lulzim Basha, me komisionerin e Pergjithshem te Policise Federale te Mbreterise se Belgjikes, Fernand Koekelberg. "Kemi sfida dhe objektiva te njejta dhe perballemi me te njejtat kercenime te kriminalitetit, ndaj duhet te thellojme bashkepunimin dhe ne vecanti shkembimin e pervojes dhe informacionit", eshte shprehur ministri Basha dje gjate bisedes me Koekelberg. Ministri paraqiti nje pasqyre te pergjithshme te rezultateve te Policise se Shtetit, kunder te gjitha aktiviteteve kriminale, e ne vecanti ndaj krimit te organizuar dhe trafiqeve te paligjshme. Sipas Bashes, "rezultatet kunder krimit e rendisin Shqiperine ne vendin me te sigurt ne Ballkanin Perendimor". Nje tjeter objektiv eshte vleresuar edhe lufta e vazhdueshme kunder akteve korruptive ne te gjithe sektoret e administrates publike, duke permendur faktin se vetem javet e fundit jane goditur 12 raste te tilla. "Hap te rendesishem drejt nje faze te re te luftes kunder krimit te organizuar perbejne edhe ligji "Antimafia" dhe ligji per konfiskimin e aseteve", tha ministri, duke informuar edhe per procesin e pajisjes me pasaporta biometrike dhe menaxhimin e kufijve. Komisioneri Fernand Koekelberg vleresoi rezultatet e policise shqiptare, si dhe gatishmerine dhe vullnetin per bashkepunim ne goditjen e elementeve kriminale. "Jemi te interesuar per shkembimin e informacionit dhe arritjen e rezultateve konkrete, per ekzekutimin e fletearresteve dhe kryerjen e procedurave perkatese per te ia dorezuar drejtesise personat e kerkuar ne te dy vendet", ka thene nder te tjera komisioneri. Ne takim ishte i pranishem edhe Hysni Burgaj, drejtori i Pergjithshem i Policise se Shtetit.

Ambasadori belg: Progres drejt integrimit

I pranishem ne takim edhe ambasadori i Mbreterise se Belgjikes ne Tirane, Marc Miechielsen, i cili pergezoi qeverine shqiptare dhe ne vecanti Ministrine e Brendshme per progresin, permbushjen e standardeve te kerkuara ne zgjedhjet parlamentare te qershorit, si dhe rezultatet domethenese ne fushen e permbushjes se kritereve te udherrefyesit per liberalizimin e vizave, e po keshtu ne luften kunder kriminalitetit e trafiqeve te paligjshme.