Beqaj: Shendetesia falas, brenda 4 viteve
Mazhoranca e re qe pritet te marre detyren ne shtator mbetet e vendosur per uljen e taksave, pavaresisht keshillave qe japin institucionet nderkombetare per mos uljen e taksave. Sekretari i Partise Socialiste per Programin, Ilir Beqaj thote se ne janar do te ulen disa taksa, si pjese e programit te PS. “Banka Boterore eshte nje partner shume i rendesishem per Shqiperine, do te ndjekim me vemendje, cdo sugjerim, keshill dhe opinion te gjithe partnereve nderkombetare. Banka Boterore eshte partner jo vetem ne qendrueshmerine makroekonomike te Shqiperise por edhe ne projektet e saj zhvillimore per Shqiperine, por une mund tu them qe me 1 janar, eshte dakordsuar tashme brenda koalicionit, se nuk do te kete takse per biznesin e vogel dhe nuk do te kete TVSH ne Shendetesi”,- shprehet deputeti Ilir Beqaj ne nje konference dhene dje per gazetares. Lidhur me premtimin per shendetesi falas per gjithe qytetaret, Beqaj shprehet se ky premtim kryesor i Partise Socialiste gjate fushates elektorale mund te funksionoj brenda 4 viteve te mandatit te pare. Sipas tij, kjo pasi behet fjale per nje menyre te re te menaxhimit te sherbimit. “Kemi rene dakord qe na duhet nje sistem krejt i ri i informacionit pe shendetesine. Na duhet nje menyre krejt e re e menaxhimit te institucioneve shendetesore , si dy parakushte per te shkuar tek ajo skeme qe te dyja partite kane si synim ne program, mbulimin e te gjithe popullates. Do te arrijme tek ky mbulim universal me residence ne Shqiperi brenda 4 vjecarit te mandatit.”,- shprehet Beqaj. Lidhur me taksen progresive, Sekretari i PS-se per Programin shprehet se ajo do te realizohet brenda 300 diteve te para. Nje afat ky, qe nga perfaqesuesi i LSI-se, Edmond Haxhinasot u cilesua i pamjaftueshem dy dite me pare. “Brenda 300 diteve shqiptaret do te dine se kush do te jete skema e re e tatimit progresive mbi te ardhurat personale. Do te bashkepunojme me biznesin, per te caktuar sesi do te jete taksimi i biznesit, ne kuptimin e shkalles tatimore. E thene ne fushate nga dy partite vec e vec, dhe e konkluduar tashme si koalicion eshte se nuk do te kete taksim mbi korporatat”,- shprehet Beqaj. Sekretari i PS-se per programin dhe bashkehartuesi i programit qeverises mes PS dhe LSI eshte shprehur se shume shpejt dy forcat politike do te dalin me nje projekt te perbashket per 300 ditet e para te qeverisjes. Dy dite me pare, perfaqesuesi i LSI-se per bashkerendimin e pikave te programit me PS, Edmond Haxhinasto tha per mediat se taksa progresive dhe sherbimi shendetesor universal duan me shume kohe per tu vene ne zbatim. Sipas tij behet fjale per ndryshim rrenjesor te sistemit dhe pergatitje te administrates per keto ndryshime. “Reformat e sherbimit shendetesor jane reforma te cilat kerkojne nje kohe te konsiderueshme per t’u pergatitur dhe detajet e tyre. Ajo qe ne deshirojme te realizojme sigurisht duke konverguar edhe me qendrimet e PS-se eshte qe te realizojme disa nderhyrje sa me te shpejta ne sistemin shendetesor, vecanerisht ne fushen e furnizimit me barna per spitalet e kam fjalen me qellim qe te rritet menjehere cilesia e sherbimit ndaj qytetareve”,- eshte shprehur perfaqesuesi i LSI-se ne lidhje me realizimin e premtimeve.