Beqja: Shteti eshte i kapur
Nensekretari i programit ne PS, Ilir Beqja ka akuzuar qeverine shqiptare per nivelin e ulet te konkurueshmerise se Shqiperise ne krahasim me vendet e rajonit por dhe te botes. "Forumi Ekonomik Boteror publikoi raportin e konkurueshmerise globale per ekonomine boterore. Sipas ketij raporti Shqiperia renditet ne vendin 108 nga 134 vende qe analizohen. Ne emer te Partise Socialiste shprehim shqetesimin per mungesen e konkurueshmerise se ekonomise shqiptare", deklaroi Beqja. Sipas tij, raporti tregon qe ekonomia jone eshte me pak konkurruese se ekonomite fqinje apo te rajonit perfshire Maqedonine, Malin e Zi, Serbine, Bosnjen dhe Moldavine. "Te vetmet vende qe Shqiperia ka mundur te lere pas jane Kamboxhia, Bangladeshi, Zambia, Mali etj. Por kjo situate nuk eshte e papritur. Nuk ka si te jete konkurruese ekonomia e nje vendi ku shteti eshte i kapur. Nuk mund te jete konkurruese nje ekonomi e cila kontrollohet nga monopolet me koperture politike", deklaroi nensekretari socialist, Beqja. Sipas tij, nuk mund te jete konkurruese nje ekonomi ne te cilen gjejne strehe personazhe te dyshimta te ish-Jugosllavise, seksere serbe te rritur ne paradhomat e Stanislavicit dhe UDB-se se tij. "Nuk mund te jete konkurruese nje ekonomi ne te cilen mbrohen nga policia e shtetit personazhe, te cilet ne televizione te vendeve te tjera jane pjese e kronikave te zeza dhe shoqerohen per ne stacione policie nga forcat speciale", deklaroi ai, duke sulmuar qeverine ne lidhje me ngjarjet me te fundit me Fazllic..