Beqja: S'ka rritje ekonomike 5%, por nje thellim te veshtiresive ekonomike

Partia Socialiste, akuzoi dje se jo vetem qe nuk ka nje rritje ekonomike ne masen 5%, por se veshtiresite ekonomike ne vend sa vijne e po thellohen. Deputeti socialist, Ilir Beqja, reagoi dje nga selia roze, se te dhenat e fundit mbi deficitin tregtar te vendit, jane shqetesuese. Sipas tij, vetem gjate muajit gusht 2009, eksportet e vendit tone kane rene me 8% krahasuar me gushtin e vitit 2008. Muaj ky qe sipas socialisteve, ka shenuar nje renie akoma me te ndjeshme te eksporteve krahasuar me muajin korrik, renie qe sipas tyre kap shifren prej 26%. "Sektoret qe kane vuajtur me shume nga renia e eksporteve jane sektori i tekstileve si dhe ai i mineraleve. Fatkeqesisht, jo vetem eksportet por edhe importet kane shenuar nje renie, duke deshmuar situaten e veshtire ekonomike te vendit", reagoi Beqja. Sipas tij, keto veshtiresi ekonomike, te paralajmeruara muaj me pare nga Partia Socialiste, jane thelluar edhe me tej si pasoje e shpenzimeve pa kriter te qeverise Berisha gjate fushates elektorale, shpenzime te cilat zbrazen buxhetin e shtetit, me nje qellim te vetem, ate elektoral. "Ne te njejten kohe, injorimi i plote qe qeveria e Sali Berishes dhe zevendesit te tij, Ilir Metes, po i bejne kerkesave te perfaqesuesve te fasonisteve dhe ndertuesve, te cilet sot perfaqesojne sektoret me ne krize te ekonomise shqiptare, eshte shenja me e qarte se kjo qeveri nuk ka as me te voglin interes per te rimekembur ekonomine shqiptare", akuzoi deputeti socialist. Beqja vijoi me akuzat, se eksportet kane mbuluar vetem 21 % te importeve, duke shenuar mbulimin me te ulet ne 8 muajt e pare te vitit. Dhe se ne sektorin e ushqimeve, importet jane 10 here me te larta se eksportet. Nese do te vazhdohet me kete ritem deficiti tregtar do te jete ne nivelin me te ulet qe prej vitit 2002. R. R.