Berat, Topalli thur elozhe per reformat

Berati ishte stacioni i radhes per kryetaren e Kuvendit, Jozefina Topalli, e cila ka nisur prej disa javesh turin “Grate per Grate”.  E pritur me entuziazem ne kalane e Beratit, zonja Topalli ia ka kushtuar kete takim perpjekjeve te qeverise per transformimin e vendit.

Por sipas zonjes Topalli, transformimi do te ishte edhe me i madh nese grate me mencurine dhe aftesite e tyre organizative do te behen pjese aktive e qeverisjes.

Duke u ndalur ne reformat integruese, kryetarja e Kuvendit tha se kjo mazhorance ka ndryshuar imazhin e vendit dhe se partneret nderkombetare e vleresojne tani me shume Shqiperine per shkak te reformave dhe hapave te duhur per te arritur objektivin.

Meriten kryesore per kete, zonja Topalli ia dha popullit shqiptar, qe mbeshtet sipas saj ne shumice lidershipin qeverises, qe po drejton vendin me hapa te sigurte drejt anetaresimit te plote ne NATO prillin e ardhshem.

Por menjehere pas takimit te kryetares se Parlamentit ne Berat, deputetet socialiste te zones shperndane nje njoftim ku denoncuan urdherin qe ka dhene sipas tyre zonja Topalli per mbylljen e shkollave, ne menyre qe te rritej artificialisht pjesemarrja ne takimin e saj.