Berati, tani zyrtarisht ne UNESCO
BERAT- Pas miratimit te dosjes se Beratit nga keshilli i UNESCOS si pasuri e ndernjerezimit, autoritetet me te larta te shtetit dhe pushtetare lokale, kane organizuar ceremonine e perfshirjes se ketij qyteti ne kete trashegimi. Kryeministri Sali Berisha, ministri i TKRS, Ylli Pango, zv, drejtoresha e UNESCO-s Fransua Riviere si dhe specialiste te hartimit te dosjes se qytetit te Beratit kane marre pjese ne aktivitetet e zhvilluara per kete feste. Kreu i qeverise qe ishte diten e djeshme ne kete qytet premtoi me teper vemendje dhe investime per kete qytet, pjese e trashegimise mbare boterore. Gjate inaugurimit te pllakes se UNESCO-s Berisha ka thene se per Beratin ky eshte nje moment historik, pasi sot ka vijuar ai "ne e vendosim Beratin ne kuroren e diamanteve te trashegimise kulturore boterore". Pas inaugurimit, kryeministri Berisha ka marre pjese ne nje ekspozite pikture ne Galerine e Arteve "Eduart Lear" dhe ne panairin e artizanatit dhe te veres qe u zhvillua ne ambientet e Muzeut Etnografik te qytetit. Ne ceremonine e organizuar me kete rast ne Pallatin e Kultures "Margarita Tutulani", ku edhe mori pjese ne nje koncert simfonik te organizuar nga instrumentistet beratas, Berisha eshte shprehur se 21 Tetori "eshte dhe do te mbetet nje dite historike per kete qytet te bekuar, per qytetaret e tij te mrekullueshem dhe per te gjithe Shqiperine e shqiptaret". Duke bekuar qytetin e Beratit, Berisha ka falenderuar UNESCO-n, restauruesit vendas e te huaj, historianet dhe te gjithe ata qe me perkushtim mundesuan kete arritje te madhe, bene te mundur qe ky qytet mbi 2500-vjecar, te hape nje kapitull te ri ne historine dhe te ardhmen e tij. Berisha e ka cilesuar qytetin e Beratit si nje qytet me larmi vlerash mahnitese te cilat jane trasheguar e ruajtura brez pas brezi nga vete banoret e tij. Duke theksuar se nje nga shkollat me te njohura te ikonografise boterore e evropiane eshte krijuar e ka zhvilluar historine pikerisht ne kalane e Beratit. Kalaja e Beratit, ka thene Berisha, nuk simbolizon vetem qendresen dhe perpjekjet e beratasve per te mbrojtur identitetin dhe kulturen e tyre, por simbolizon edhe bashkejetesen fetare qe eshte pasqyruar mjaft mire ne ikonat e Onufri-t. Berisha ka premtuar se qeveria e tij, pas nominimit te Beratit ne UNESCO do te shumefishoje fondet dhe financimet per kete qytet. Ai i ka premtuar kryetarit socialist te bashkise, Nasufi si dhe beratasve se do te behet realitet perfundimi i Boshtit te Jugut, si nje bosht rrugor jetik per Jugun e Shqiperise, qe do te afroje rreth 100 km Saranden me Tiranen dhe do t'i ktheje Beratit fuqine dhe potencialet qe ka pasur shekuj me pare.