Berisha: Blushi, ku e ke teseren e PD? Tuneli po perfundon

Nga qyteti i Elbasanit, Kryeministri Sali Berisha, i kerkoi deputetit socialist Ben Blushi, se ku e ka teseren e Partise Demokratike. Kjo pasi vete Blushi vite me pare, kur qeveria tha se do te ndertoje rrugen Tirane-Elbasan, tunelin, tha se nese nje gje e tille realizohet ai do te marre teseren e PD-se. “Se shpejti autostrada Tirane-Elbasan perfundon. Por do ju kerkoj dicka. Pershendeteni, zotin Blushi dhe pyeteni, ku e ke teseren e PD-se? Sepse kur ne morem vendimin per ndertimin e tunelit Tirane-Elbasan, Ben Blushi, deklaroi se nese Berisha do ndertoje tunelin, do te marre teseren e PD-se. Tani mos guxo ti afrohesh. Ndaj strukesh ne autobus”, - kujtoi kreu i qeverise. Sipas tij, socialistet le te qendrojne ne autobus, qeveria do te vazhdoje te punoje, te perfundoje autostraden. “Ata ne autobus, ne do te ndertojme Shqiperine e zhvilluar, do te bejme cdo gje per krijimin e vendeve te punes, per zhvillim, rritjen e pagave dhe te pensioneve”, - siguroi kreu i qeverise. Ai kujtoi se ne Elbasan vite me pare beri premtimin per dyfishimin e rrogave te mesuesve, rritjen e pensioneve, ndertimin e infrastruktures. “Une vij ketu i kenaqur se bashke i realizuam. Zotimi solemn i imi kete here eshte qe mandatin e ardhshem, mesuesit nuk do te kene rroge me te vogel se 700 dollare”, - siguroi Berisha.