Berisha: Brenda vitit dorezohen tapite e tokes Rozeta Rapushi

Kryeministri, Sali Berisha, premtoi dje se brenda ketij viti, do te perfundoje dorezimi i tapive te tokes njehere e pergjithmone ne te gjithe vendin. Gjate mitingut festiv, te prezantimit te kandidateve per deputete te Partise Demokratike ne Vaun e Dejes, Berisha kerkoi votat per nje mandat te trete qeverises, duke premtuar rritjen e vazhdueshme te rrogave e pensioneve, zhvillimin e ekonomise, turizmit dhe zgjidhjen e ceshtjes se pronave. “Kam takuar kryetaret e komunave te Hajmenin, Vig -Mnele dhe komunave te tjera te vendit, i kam gjetur ata te vendosur qe brenda ketij viti te perfundojne dorezimin e tapive e tokes njehere e pergjithmone. Rruga jone nuk ka qene bulevard dhe ende nuk do te jete bulevard, por eshte nje rruge e cila con drejt nje ngjitje te sigurte, e cila na con drejt horizontit Europian me shpejt se kurre”, - siguroi Berisha. Ai u shpreh se Shqiperia pret nga Shkodra mandatin e tete, mandatin e fitores te thelle dhe te merituar. Ne kete kuader, kryeministri kerkoi votat dhe marrjen e mandatit te tete ne kete qark per PD-ne, duke permendur se ne keto vite se bashku u firmos anetaresimi i Shqiperise ne NATO, levizja e lire ne mbare Europen dhe Shqiperia ndryshoi rrenjesisht. Ndersa akuzoi alternativen tjeter, se vetem mohon, mallkon dhe ben propozime te rrezikshme per Shqiperine. “Nga ky shesh dua te theksoj se platforma qe paraqet shoku i autobusit per fermeret shqiptare eshte nje kobe i vertete per fermat e tyre. Cfare premton ai? Ai premton qe lumenjte e djerses qe keni derdhur, fermat qe keni ngritur, t’jua falimentoje duke hequr taksen e vleres se shtuar per miellin, per qumeshtin, per vezen, per buken dhe kjo do te thote se vezet ne Shqiperi nuk kane pse te shiten, sepse do te vijne nga gjemite me veze nga pularite gjigante te Europes, te cilat i prodhojne me kosto shume te ulet dhe mund ti shesin me po ato cmime”, - nenvizoi kryeministri. Berisha premtoi se kater vitet qe vijne do te jene vitet e punesimit masiv, sepse do te trefishohen grantet per te gjithe fermeret shqiptare, nga 56 milione ne 165 milione dollare dhe do te vendoset rimbursimi me para ne dore te te gjithe TVSH-se te mallrave, makinerive, farerave, fidaneve, plehrave e cdo gje qe perdorin per te shtuar prodhimin ne fermat e tyre, sepse mazhoranca ka vendosur te rimbursoje me para ne dore akcizen e naftes. Ndersa plani i PS-se sipas tij, eshte ai i rritjes se taksave. “Ka edhe nje plan tjeter, ai i rritjes se taksave. Plan qe kerkon t’ju shese te larten per te uleten”, - theksoi Berisha. Sipas tij, taksa qe ofron shoku i autobusit, eshte taksa e paraqitur per here te pare ne Manifestin e Karl Marksit, eshte taksa te cilen ne vitin 46 e futi per here te pare ne Shqiperi, daja i shoferit te autobusit, Spiro Koleka, eshte taksa e largimit masiv te investitoreve te huaj nga Shqiperia.

REPLIKA

Kryeministri, Sali Berisha, tha dje se taksa progresive qe kerkon PS, eshte taksa e rrenimit te dhjetera mijera vendeve te punes, e rritjes se papunesise dhe cpunesimit masiv. Ndaj ai ftoi dje te gjithe shqiptaret, qe me daten 23 qershor te votojne te gjithe sebashku per integrimin e Shqiperise ne Bashkimin Europian, per statusin e vendit kandidat, per hapjen e negociatave me Bashkimin Europian.