Premtimi i Berishes ne Kombinat: Do shtrojme cdo rruge brenda dy viteve ne Tirane

Kryeministri Sali Berisha premtoi dje ne Kombinat, ne kryeqytet se ai do te financoje shtrimin e cdo rruge dhe rrugice ne Tirane brenda dy vjecarit te pare te mandatit te trete qeverises. Pa kursyer edhe akuzat ndaj kreut socialist, Edi Rama, se kur drejtonte Bashkine nuk punoi per Tiranen. Ne mitingun festiv ne Kombinat, ku prezantoi edhe kandidatet per deputete te Qarkut te Tiranes, kreu i qeverise tha se pervec ndertimit te infrastruktures moderne do te vijoje me politiken e rritjes se rrogave dhe pensioneve dhe punesimin masiv. “Kater vjecarin qe vjen, jemi te vendosur ta shnderrojme ne punesim masiv. Per mireqenien tuaj do te rrisim rrogat dhe pensionet. Ju kudo qe udhetoni, shkelni ne rruge te reja, por fatkeqesisht, kur dilni nga shtepite shkelni edhe ne rruge me balte. Ish kreu i Bashkise, fondet per rruge e ujesjellesa e kanalizime, i shnderroi ne rroga per partine. Bashkine e ktheu sipermarrje te partise. Une zotohem se do te financoj shtrimin e cdo rruge dhe rrugice te Tiranes brenda dy viteve qe vijne”, - premtoi kreu i qeverise. Ai siguroi gjithashtu se do te katerfishoje grantin dhe kredine per Bashkine e Tiranes ne menyre qe jeta ne kryeqytet te jete sa me normale dhe e mire. Ne kete kuader, kreu i qeverise dhe Partise Demokratike kerkoi votat per kandidatet demokrate ne zgjedhjet parlamentare, me premtimin se me pune dhe reforma do te merret statusi i vendit kandidat ne Bashkimin Evropian dhe do te hapen negociatat per anetaresimin. Nga ana tjeter, Berisha akuzoi se alternativa tjeter eshte alternativa e sharjeve dhe fyerjeve kolektive me te papranueshme per shqiptaret dhe se taksat jane mashtrimi me i madh i Rames sipas tij, qe kalon nga sheshi ne shesh duke mashtruar. “Ndaj votoni ne 23 qershor numrin 44, votoni per zhvillimin, per Shqiperine Evropiane”, - u shpreh kreu i qeverise.

QENDRIMI

“Kater vjecarin qe vjen, jemi te vendosur ta shnderrojme ne punesim masiv. Per mireqenien tuaj do te rrisim rrogat dhe pensionet. Ju kudo qe udhetoni, shkelni ne rruge te reja, por fatkeqesisht, kur dilni nga shtepite shkelni edhe ne rruge me balte. Ish kreu i Bashkise, fondet per rruge e ujesjellesa e kanalizime, i shnderroi ne rroga per partine. Bashkine e ktheu sipermarrje te partise”, - tha dje Berisha.