Berisha: Mbështetja ndaj biznesit rruga për rritjen ekonomike

Kryeministri Berisha ka deklaruar sot se qeveria do të vijojë me mbështetjen dhe inkurajimin e biznesit si rruga e vetme për të ruajtur ritmes e rritjes ekonomike në vend.
 

Sipas kreut të qeverisë, Shqipëria do të mund të ruajë rritjen ekonomike vetëm duke përmirësuar klimën ndaj biznesit dhe tërheqjen e investitorëve të huaj.
 

“Natyrisht pasojat e krizës janë pasqyruar dhe kanë ndikuar në ekonominë tonë por për Shqipërinë është jetike ruajtja e ritmeve të rritjes ekonomike. Ne besojmë se rruga e vetme është mbështetjta dhe inkurajimi i biznesit. Ne besojmë se do mund të ruajmë rritjen ekonomike dhe do të qëndrojmë në krye të rajonit dhe më gjerë për tërheqjen e investimeve të huaja, dhe do të ndjekim projektet ambicioze vetëm duke përmirësuar klimën për biznesin, investimet dhe investiture” theksoi Berisha.

Duke folur në ceremoninë e dhënies së certifikatës së menaxhimit të cilësisë (ISO), për Qendrën Kombëtare të Licencave, kryeministri Berisha theksoi se certifikimi është fillimi i një procesi ndërsa ka shprehur besim për që do të vijohet më tej me programe të reja cilësie.

"Ky moment i sotëm për t`i akodruar certifikatë kësaj qendre është një arritje e madhe e cila do të ketë impakt pozitiv dhe frymëzues, së pari për punonjësit që shohin vlerësimin e merituar të punës por edhe një impakt në biznesin shqiptar dhe ndërkombëtar të cilët kanë në këtë qendër një partner dhe ndihmës të certifikuar” theksoi Berisha.

vijon..