Berisha: Njerëz me pushtet abuzuan me pronat

Kryeministri Berisha pranoi sot se abuzimet me titujt e pronësisë janë bërë nga njerëz në pushtet të të gjitha niveleve. Ai zhvilloi sot një takim me prefektët në shkallë vendi ku I kërkoi paanësi në punën e tyre. 

TIRANE-Kryeministri Berisha mblodhi sot paradite në Këshillin e Ministrave në një takim pune 12 prefektët në shkallë vendi si dhe anëtarë të Komisionit për tokën për të diskutuar për provesin e titujve të pronësisë. Në fjalën e tij kreu i qeverisë shqiptare tha se qeveria ka trashëguar një numër shumë të madh falsifikimesh të titujve të pronësisë; madje ai i krahasoi ato me “malin e Dajtit”.

Kryeministri akuzoi për falsifikime të titujve të pronësisë njerëz të pushtetit të të gjitha niveleve të cilët, sipas tij kanë përdorur pronën për tu pasuruar për nevojat e tyre personale.

Një tjetër problem është dhe titujt e pronësisë të trashëguara nga periudha e komunizmit. Sipas kryeministrit titujt e pronësisë nga kjo periudhë vijnë me shumë pak të dhëna.

12 prefektët do të drejtojnë komisionet që do ngrihen në lidhje me procesin e dhënies së titujve të pronësisë në mbarë vendin. Procesi pritet të fillojë këto ditë dhe të përfundojë pas tre vitesh në 2011. Kryeministri u kërkoi prefektëve që si parim të punës së tyre të kenë transparencën, dhe paanshmërinë në dhënien e e vendimeve për titujt e pronësisë.

Ligji për titujt e pronësisë u miratua pak ditë më parë nga Kuvendi i Shqipërisë me votat e maxhorancës. Zëvendëskryeministri Genc Pollo do të jetë në krye të këtij procesi i cili do të kryesojë procesin e dhënies së titujve të pronësisë.

(s.g/BalkanWeb)