Berisha Projektet per 100-vjetorin e pavaresise

Kryeministri i Shqipërisë, Sali Berisha, u përqendrua në përgatitjet për festimet e vitit të 100-vjetorit të pavarësisë, në një fjalim të mbajtur pasditen e së enjtes në Këshillin e Ministrave.

“Viti pavarësisë nis më 28 nëntor 2011 e vazhdon gjatë gjithë 2012-s. Ky vit duhet të shënohet me veprimtari të shumëllojshme, për nderimin dhe sakriricën e atyre shqiptarëve që ne sot të jemi të lirë dhe të ëndërrojmë një të ardhme të ndritur”, deklaroi Berisha, në një fjalim me doza të qarta patriotike.

“Është një vit që duhet të shënohet me nderim për ata që ngritën në Vlorë në vitin 1912 flamurin e Skëndërbeut, flamurin shqiptar, më të vjetrin dhe më të bukurin në Europë. 100 vjetori është një rast për të nderuar lumin e gjakut të derdhur nga shqiptarët për liri e pavarësi. 100 vjetori i pavarësisë do të jetë viti me të cilën ne do të nderojmë përpjekjet e mëdha të shqiptarëve për bashkimin e trojeve shqiptare dhe sakrficave të tyre të jashtëzakonshme, që nga Lidhja e Prizrenit e deri më sot”.

Kryeministri foli për nevojën e rishikimit të historisë, në të njëjtën kohë që i dha atribute të mëdha shqiptarëve në Kosovë, Maqedoni dhe diasporë, në arritjen e pavarësisë të këtij shteti.
“100 vjetori duhet të shërbejë si një frymëzim i madh për historianët shqiptarë që të bëjnë një punë edhe më të madhe, e cila shpesh nuk është bërë në këtë kohë, për të zbardhur të gjitha detajet e këtij shekulli. Duhet të vlerësohen ata burra të shquar, ata shqiptarë në Kosovë, Maqedoni dhe diasporë, që luftuan për lirinë e këtij kombi në një kohë kur fuqitë e mëdha kishin plan jo pavarësinë, por zhdukjen tonë”.

Duke u ndalur tek përgatitjet për kremtimin e festës, Berisha lajëmroi për mbajtjen e një “koncerti madhor, një simfonie mbarëshqiptare”, në të gjithë trojet e banuara nga shqiptarë. Në festë do të jenë të pranishëm liderat shqiptarë në Kosovë, Maqedoni, Mal i Zi, arbëreshët dhe ata në diasporë.

Planet madhore do të jenë katër. “Parlamenti dhe stadiumi do të ndërtohen. Kjo qeveri është e angazhuar që të çojë deri në fund këtë premtim, por duke respektuar procedurat ligjore të këtij shteti. Vepra më e madhe e këtij 4-vjeçari, tuneli i Elbasanit, është një tjetër monument suksesi i Shqipërisë, i cili do të shërbejë për të lidhur edhe më shumë shqiptarët kudo që ndodhen. Shqipëria dixhitale, ajo që i përket të ardhmes, është gjithashtu një dhuratë e shkëlqyer për shqiptarët”.

Kryeministri propozoi në Këshillin e Ministrave “shpalljen e vitit që nis në 28 nëntor si viti i pavarësisë” dhe “ngritjen e një Komisioni, për kremtimin e 100-vjetorit të pavarësisë”.

Berisha lajmëroi në Këshillin e Ministrave dhe për bisedimet e ditës së mëparshme me udhëheqësit e shtetit maqedonas. “Falenderoj në mënyrë të sinqertë Kryeministrin Gruevski, Presidentin Ivanov dhe të gjithë liderat e tjerë të Maqedonisë, për mikpritjen e shkëlqyer që më rezervuan. Ishte një takim 1-ditor, i shkurtër, por shumë i frytshëm, pasi u arritën marrëveshje të rëndësishme ekonomike”.

Midis tyre, ajo e ndërtimit të një terminali hekurudhor kontenierësh në Strugë, marrëveshja për bashkimin e linjës hekurudhore Lin-Kërçovë, një pakt portual për kalimin e mallrave nga porti i Durrësit në Maqedoni, ndërtimin dhe përmirësimin e infrastrukturës rrugore midis dy vendeve dhe mundësinë për të udhëtuar nga Shqipëria në Maqedoni e anasjelltas thjesht duke mbajtur një kartë identiteti”.

Në fund të fjalës, Berisha veçoi rëndësinë e zbatimit të Marrëveshjes së Ohrit, për respektimin e të drejtave të shqiptarvëe në Maqedoni.

Facebook
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga politika Asambleja e PS-së, rikthehen disa prej të larguarve
Partia Socialiste ka publikuar 120 emrat e zgjedhur nga kongresi i pak ditëve më parë, si pjesë e Asamblesë së re Kombëtare të kësaj force politike.
Tetovë, Berisha: Ridimensionim elitës intelektuale
Kryeministri Sali Berisha e ka mbyllur vizitën zyrtare në Maqedoni, me një ndalesë në qytetin me shumicë shqiptare të Tetovës.
Wollfarth: Nevojë urgjente për reformë zgjedhore
Ambasadori i OSBE-së në Tiranë Eugen Wollfarth kërkon nga partitë politike që të punojnë për reformën zgjedhore.
Rama: Si më ftoi Nano në qeveri dhe ndarja me Ilir Metën
Edi Rama- Pjese nga libri i tij "Kurban" Gratë bashkojnë Topallin, Ramën e Metën
Krerët e partive politike më të mëdha në vend janë shprehur të gatshëm që në zgjedhjet e ardhshme elektorale,  të zbatojnë Kodin Elektoral, ku përfaqësimi i grave duhet te jete deri ne 30 %.


Lajmet kryesore

Pensionet, “sulmi” mbi financat
Nga 2012 numri do të dyfishohet, kontribuesit do të bien
Wollfarth: Nevojë urgjente për reformë zgjedhore
Përleshjet në Mitrovicë, Policia vijon hetimet
Tetovë, Berisha: Ridimensionim elitës intelektuale