Berisha: Rama i tmerruar nga zgjedhja e Bashes ne PD Rozeta Rapushi
Kryeministri Sali Berisha, tha dje se zgjedhja e Lulzim Bashes ne krye te Partise Demokratike ka tmerruar kundershtarin Edi Rama, te cilin nuk ngurroi ta quaje te semure me kompleksin e inferioritetit. Ne nje koment te bere ne faqen e tij ne rrjetin social Facebook, kreu i qeverise, ish lideri i PD-se, ironizoi edhe ne lidhje me librin “Kurban” te Edi Rames. Duke theksuar se Rama per shkak te ketij kompleksi e quan veten “kurban” te Bashes. “Te dashur miq, burime nga selia mavi bejne te ditur se zgjedhja e Lulzim Bashes ne krye te PD, njeriut qe e mundi Ramen ne maj te vitit 2011, ka semurur dhe tmerruar Edi Ramen, i cili nga maji i vitit 2011 vuan kompleksin e inferioritetit dhe e konsideron veten “kurban” te Bashes”, - shkruan Berisha, pas urimeve te shumta te bera ndaj Bashes per fitoren ne zgjedhjet per kreun e PD-se. Ishte pikerisht Lulzim Basha ai qe ne garen per kreun e Bashkise se Tiranes, mundi kreun socialist, Edi Rama qe prej me shume se 10 vitesh e drejtonte kete bashki. Nderkohe qe po dje, kreu i sapozgjedhur i selise blu, Lulzim Basha, falenderoi te gjithe demokratet dhe mbeshtetesit e tij per urimet e shumta te ardhura ne adrese te tij qe pas zgjedhjes ne krye te PD-se. “Te dashur vellezer dhe motra, anetare te familjes tone demokrate, te nderuar zonja dhe zoterinj, militante, mbeshtetes, simpatizante dhe votues te Partise Demokratike, te dashur bashkeqytetare e bashkekombes, ju falenderoj me mirenjohje te thelle per urimet, pergezimet dhe mbeshtetjen tuaj permes mijera mesazheve dhe postimeve”, - shkruan Basha ne faqen e tij po ne rrjetin social Facebook. Pas ketyre falenderimeve, ai u ben thirrje nga ana tjeter te gjithe demokrateve qe se bashku te vazhdojne perpara per tu bere balle sfidave qe i presin tashme ne opozite. “Te bashkuar dhe te vendosur le te ecim se bashku drejt sfidave qe na presin dhe t’i kthejme ato ne shanse dhe mundesi per demokratet dhe gjithe shqiptaret! Pershendetje te perzemerta, Lulzim Basha”, - perfundon falenderimin e tij kreu i Partise Demokratike. Gjate fushates se zhvilluar per garen per kreun e PD-se, Basha ka premtuar zhvillimin e nje opozite krijuese, te forte, ballore por edhe alternative, duke siguruar se PD do te kete nje perballje publike te perhershme. Ai siguroi se per cdo sektor, per cdo situate, per cdo problem shqiptaret do shohin alternativen, projektet, zgjidhjet per problemet e tyre. Basha u zgjodh ne krye te selise blu vetem tre dite me pare. Ai u zgjodh me nje mbeshtetje te madhe nga baza e Partise Demokratike, me me shume se 80 per qind te votave ne garen e zhvilluar perballe kandidatit tjeter, Sokol Olldashi.