Fullani: T’i ruajme balancat ekonomike Eglantina Nasi
“Sistemi financiar i vendit eshte i shendetshem dhe ekuilibrat makro-ekonomike duhet te ruhen e te forcohen me tej ne te ardhmen”. Keshtu u shpreh dje Guvernatori i Bankes se Shqiperise, Ardian Fullani, gjate nje tryeze te zhvilluar me kryetarin e Partise Socialiste dhe perfaqesues te sistemit bankar ne vend. Duke nenvizuar se “keta ekuilibra ekzistojne ne ekonomine shqiptare dhe se ato perbejne nje nga pikat e forta te zhvillimit te ardhshem te saj”. Teksa ka shtuar edhe faktin se balancat e huaja te ekonomise jane ne permiresim. “Ky objektiv eshte filtri paraprak qe duhet te kaloje cdo nisme makro-ekonomike”, tha me tej ai lidhur me nje fakt te tille. Duke permendur gjithashtu edhe kater pikat kryesore, ku sipas tij, duhet te bazohet pikerisht veprimi per te ruajtur balancat ekonomike qe aktualisht gezon vendi. “Banka e Shqiperise gjykon se ky aksion duhet te mbeshtetet ne kater kolona veprimi: ruajtja e stabilitetit makro-financiar te vendit dhe ndjekja e politikave ekonomike stimuluese; zbutja e pasigurise ne ekonomi; vazhdimi i reformes strukturore dhe konvergjenca me Bashkimin Evropian”, tha saktesisht kreu i ketij institucioni. Dhe duke e detajuar secilen prej ketyre pikave ne menyre konkrete, ai tha se se pari, lidhur me ruajtjen e stabilitetit, “opinioni i Bankes se Shqiperise eshte se kjo situate kerkon ndjekjen e politikave makro-ekonomike stimuluese”. Ndersa lidhur me zbutjen e pasigurise ne ekonomi, Fullani theksoi se kjo do te realizohet permes forcimit te marredhenieve me institucionet financiare nderkombetare, por edhe permiresimin e klimes se biznesit. Sikunder sqaroi lidhur me reformen strukturore te ekonomise se “ajo duhet te forcohet e thellohet me tej”. “Duke i hapur rruge nje ekonomie me te shendoshe, me konkurruese e me nje zhvillim me te balancuar midis sektoreve”, theksoi ai.
Per te perfunduar me faktin se konvergjenca me Bashkimin Evropian, parashikon te vetvete “nje bashkepunim te ngushte me institucionet e specializuara nderkombetare”. “Vleresoj se tashme Shqiperia i ploteson te gjitha kushtet per nje konvergjence te shpejte me Bashkimin Evropian”, konkludoi kreu i Bankes se Shqiperise, gjate tryezes me kryetarin e Partise Socialiste dhe perfaqesues te sistemit bankar ne vend.
VLERESIMI
“Çdo stimul makro-ekonomik duhet te marre ne konsiderate edhe nje ekuiliber tjeter vital: ate te stabilitetit financiar te vendit, perndryshe ai rrezikon te behet joproduktiv. Duhet qe ky ekuiliber te vazhdoje te jete nje prioritet konstant dhe ne harmoni te plote me politikat nxitese zhvillimore. Sa me te shendetshem te jemi financiarisht, aq me te medha do te jene hapesirat qe do te kemi per stimul zhvillimor te vendit”.