Berisha: Rama, je bërë më keq se Shvejku
Kryeministri Sali Berisha reagoi mbreme ndaj akuzave te kreut socialist Edi Rama, se qeveria po kopjon programin e Partise Socialiste, ne lidhje me heqjen e TVSH-se per te gjitha makinerite qe importohen nga bizneset. Duke ju pergjigjur ne rrjetin e tij social ne Facebook akuzave qe Rama beri nje dite me pare ne Twitter, Berisha tha se mesa duket Rama kur ben akuza te tilla harron se deputetet e PS me urdher te tij votuan tre jave me pare ne Kuvend kunder ketij projektligji. “Miqte e mi, Shvejku nuk thoshte: “C’me duhet mua se cfare them une”... Pas komentit tim ne mbledhjen e qeverise lidhur me hyrjen ne fuqi te ligjit per heqjen e TVSH-se per te gjitha makinerite qe importohen nga te gjitha llojet e bizneseve per prodhim, zoti Rama u ankua se kryeministri i kopjoi programin. Me sa duket zoti Rama nuk e mban mend, ose beson se ne te tjeret kemi harruar, se kur tre jave me pare ky ligj u diskutua dhe u miratua ne Parlament, deputetet socialiste me urdher te tij diskutuan dhe votuan kunder ligjit”, - kujtoi dje kryeministri. Me te tilla akuza qe ben kreu socialist, sipas kryeministrit rezulton se socialistet na paskan votuar kunder programit te tyre. “Ne nje mesazh ne EhatsApp, nje biznesmen me shkruan se zoti Rama dje me deklaraten e tij beri Shvejkun. Ne fakt miku im gaboi, sepse Rama nuk deklaroi si Shvejku “C’me duhet mua se c’bej une”. Jo, jo. Ai dje deklaroi “C’me duhet mua se c’them une”. Miresevjen ne dheun tend zoti Rama. Gezuar”, - perfundon mesazhin e tij ne Facebook kryeministri. Vetem dy dite me pare, kryeministri e cilesoi akt madhor ne revolucionin fiskal hyrjen ne fuqi te ligjit per heqjen e TVSH-se per te gjitha makinerite prodhuese te te gjitha niveleve te biznesit. Sipas tij, me kete hap dhe disa hapa te tjere qe jane ne shqyrtim e siper, qeveria i jep nje nxitje te madhe rritjes se prodhimit te vendit, rritjes se punesimit te qytetareve shqiptare. Berisha shtoi se se bashku me biznesin po shqyrtohet cdo hallke te sipermarrjes qe mund te lehtesohet, pasi qeveria i permbahet parimit se rruga me e sigurt per t’u mbrojtur nga kjo krize, qe do te jete afatgjate, eshte te nxise, te favorizoje, te lehtesoje biznesin ne Shqiperi.