Berisha: Rama tallet me Rilindjen Eva Gjura
Programi i opozites per rilindjen kombetare si dhe idea per taksen progresiv, kane qene dy ceshtjet, te cilat ka ironizuar dje ne mbledhjen e qeverise kryeministri Berisha. Duke komentuar idene e opozites per taksen progresiste, Berisha e vleresoi si tallje nga ana e Rames qe deputetet e PS te krahasohen me rilindesit e shquar. Gjithashtu Berisha ka bere te ditur se qeveria po ben gjithcka per nje zgjerim te lirive te tregut, pasi koncepti i saj eshte liria, pasuria me e cmuar. “Koncepti yne dallon si nata me diten, me konceptin tjeter qe edhe dje faktoi se eshte skllav i thjeshte i “dajkos” se tij. Le te thote sa te doje se nuk eshte nipi i Spiro Kolekes, me taksen e tij progresive eshte i biri, direkt. Une e di qe taksa progresive nuk eshte shpikje e Kolekes, por eshte e Marksit, por ne Shqiperi e instaloi Koleka dhe ky zoteri ne vend qe ti largohet asaj e mbron ate”, u shpreh Berisha. Sipas kryeministrit, kreu i opozites e mbron idene e kesaj takse me nje mashtrim te shumefishte. “Rama u thote qytetareve se infermieri paguan taksa njelloj si kryeministri. Ne fakt infermieri paguan taksa, pese here me pak se kryeministri. Zoteria qe ka ne koke vetem matematiken e Ramiz Alise dhe statistiken e Barjabes e kishte shkruar traktatin e mashtrimit me Fatmir Xhafen, pra ky zoteri i thote qytetareve se si infermieri ka mundesi te paguaje taksa sa kryeministri, qe ne fakt eshte nje genjeshter me bisht”, u shpreh kryeministri. Me tej kreu i qeverise, ka ritheksuar edhe njehere qendrimin e kesaj mazhorance, per kundershtine e takses progresive, e cila eshte taksa e urrejtjes klasore dhe asgje tjeter. “Ne cdo studim taksa progresive faktohet si takse se shkaterron me dhjetera e mijera vende pune. Ne cdo studim faktohet se taksa progresive faktohet si nje takse qe nxit shume evazionin fiskal. Pra alternativat jane krejtesisht te ndryshme”, tha Berisha. Duke ironizuar programin per rilindje, Berisha tha se, “imagjinoni ju, paraqet rilindesat e tij, Anastas Angjelin ne vend te Papa Kristo Negovanit. Gramoz Rucin ne vend te Koto Hoxhit. Bashkim Finon e ka ne vend te Abdyl Frasherit. Erion Veline ne vend te Dervish Himes. Kjo eshte alternativa. Po te serviresh Cacin per Papa Kriston. Finon per Koto Hoxhin, kjo eshte ta tallesh me veten se nuk ka shqiptar qe te besoje tek kjo ekuivalence. Po veten me ke e krahason ai”. Gjithashtu ne mbledhjen e djeshme Berisha njoftoi se Ministria e Bujqesise dhe ajo e Financave po shqyrtojne me hollesi dhe po zgjerojne listen e perjashtimeve nga TVSH-ja edhe te produkteve e mallrave te tjera, te cilat kane nje impakt te ndjeshem ne krijimin, zhvillimin dhe konsolidimin e fermave ne Shqiperi. Kryeministri tha se eshte arritur ne perfundimin qe te perjashtohen nga tvsh-ja te gjitha bagetite e rracave qe importohen per krijimin e tufave dhe mbareshtrimin e rracave me te mira te Evropes, qofshin ato lope, dhi, dele apo dicka tjeter. “Kjo, u shpreh kryeministri, behet me qellim qe te nxisin permiresimin e rracave, i cili sot eshte nje realitet i madh”. Duke folur mbi kete vendim, kryeministri beri me dije se ne nismen e heqjes se TVSH perfshihet plastamasi, blerjet e brendshme, etj, si dhe TVSH-ja per grantet, e cila merr shkas nga nje bashkebisedim i kryeministrit me fermeret lushnjare. “Nje perfaqesues i fermereve ne Lushnje me pyeti ne se do te hiqet TVSH per grantet, per fidanet qe do te blejne. Pergjigja ime aty nuk ishte pozitive, por me pas, pas konsultave te zhvilluara, pergjigja ime per kete ceshtje eshte pozitive.” shpjegoi kryeministri.