Berisha: Tani ne me roje bregdetare te modernizuar

Kryeministri Sali Berisha e ka konsideruar dje mberritjen e anijes "Iliria" ne portin e Durresit, nje anije e re patrulluese ushtarake qe iu shtua sot rojes bregdetare shqiptare, nje tregues te fillimit te nje perpjekje te madhe per modernizimin e Forcave Detare dhe forcave tona ushtarake ne pergjithesi. I pranishem ne ceremonine e mberritjes se anijes ushtarake "Iliria", ne portin e Durresit, Kryeministri Berisha tha se "Shqiperia eshte nje vend me nje vije te gjate bregdetare dhe ne kete drejtim, roja bregdetare moderne perben nje siguri per brigjet tona, per luften ndaj trafiqeve kriminale, misionet e kerkim-shpetimit ne det, si dhe per bashkepunimin me Forcat Detare te vendeve te tjera".

Ai u shpreh se anija "Iliria" eshte produkt i bashkepunimit mes Shqiperise dhe Holandes, teksa evokoi me kete rast kontributin e rendesishem qe ka dhene nje shekull me pare, ushtaraku i larte holandez, koloneli Thomson ne themelimin e Forcave te Armatosura shqiptare. Berisha siguroi pjesetaret e forcave tona te armatosura se rritja e buxhetit ne mbi 2 per qind te GDP-se per modernizimin e tyre eshte nje tregues i kesaj rendesie.