Berisha: Te gatshem te diskutojme per ndryshimin e rregullores Eva Gjura
Megjithese pjesen me te madhe te fjales se kryeministrit ne mbledhjen e grupit e ka zene vizita e tij ne SHBA, ai nuk e ka lene menjane situaten politike ne vend, duke bere nje koment te shkurter per qendrimet dhe deklaratat, qe opozita ka mbajtur gjate javes qe ai nuk ishte ne Shqiperi. Duke ju dhene nje pergjigje te shkurter pasi per te diskutuar me gjate e ka lene ne bashkebisedimin qe do te zhvilloje me gazetaret. Duke u ndalur tek kushti i opozites, e cila kerkon ndryshimin e rregullores se parlamentit ne kembim te miratimit te ligjeve qe kerkojne 3/5 dhe zgjedhjen e Avokatit te Popullit, kryeministri tha jemi te hapur per ta konfrontuar me rregulloren e Parlamentit Evropian. "Per sa i perket rregullave te Parlamentit duhet te garantoj cdo shqiptar, se ndonese rregullorja e ketij parlamenti eshte ne standardet me te larta demokratike, ne jemi te hapur per ta konfrontuar ate nen per nen, me rregulloren e Parlamentit Evropian dhe standardet me te larta te Evropes dhe te botes qe ekzistojne. Ky eshte dhe qendrimi yne. Uroj dhe shpresoj qe nga keto standarde te udhehiqet dhe frymezohet dhe opozita ne parlamentin e vendit" eshte shprehur kryeministri Berisha. Kreu i qeverise tha se mazhoranca ka bere progres per sa i takon bashkepunimit me opoziten per te bere ndryshimet ne reformen zgjedhore. "Kam ndjekur me vemendje edhe shtypin e dites ne vend dhe mund te them se po behet progres dhe jam i bindur se do te kete nje progres ne bashkepunimin ne reformen zgjedhore, ku maxhoranca ka qene gjithnje e hapur dhe mbetet e hapur te punoje me opoziten dhe te gjithe faktoret e rendesishem te kesaj shoqerie per te adresuar nje nga nje te gjitha rekomandimet e OSBE/ODIHR te dy zgjedhjeve te fundit" tha kryeministri Berisha. Gatishmerine per te bashkepunuar me opoziten per realizmin e reformes zgjedhore si dhe per te diskutuar rreth kerkeses se opozites per ndryshimet ne rregulloren e parlamentit, kryeministri Berisha e ka shprehur edhe nga Nju Jorku, duke iu pergjigjur interesit te medias. Nderkohe qe kreu i qeverise nuk ka bere ndonje koment konkret ne lidhje me 10 propozimet me te fundit qe ka bere kryetari i PS Edi Rama.