Berisha flet nga ballkoni: Afera e djegëseve është afera e një vjedhje të parashikuar në 30 vite prej 1 miliard euro

Ish-kryeministri Berisha ka mbajtur sërish një fjalim nga dritarja e shtëpisë, pasi ndodhet në masën “arrest shtëpie” të vendosur nga GJKKO.

Berisha duke iu drejtuar mbështetëseve të tij, tha se, me idealet tuaja, sakrificat, vendosmërinë, e shndërruat këtë rrugë në një burim shprese, burim drite për mbarë shqiptarët. Ju që me fjalët tuaja çdo natë, e shndërruat këtë rrugë në burim të vërtetës dhe të kauzës tonë të drejtë. Ju që me praninë tuaj çdo natë, krijuat polin e pushtetit të qytetarëve, polin e të vërtetës, polin e lirisë, polin e shpresës”.

Berisha ka hedhur akuza serish për atë që ai e ka quajtur vjedhjen e shekullit, ku tha se“ një nga aferat korruptive më të mëdha që Evropa ka njohur, të trajtoni atë të cilën e keni quajtur vjedhja e shekullit ku u zbulua se afera e djegëseve ishte afera e një vjedhje të parashikuar në 30 vite prej 1 miliard euro”.

Të dashur miq, Edi Rama është kreu suprem i vjedhjes së shekullit, tha Berisha.

“Ja pra se si Edi Rama e shndërroi qeverinë e tij në një organizatë të mirëfilltë kriminale, ku ministrat, këshilltarët, firmosnin për procedura antiligjore, që lejonin vjedhje, vjedhje dhe vetëm vjedhje”.

/rtsh.al/