Berisha, koalicion me LSI për zgjedhjet e pjesshme vendore të 6 marsit

Ish kryeministri Sali Berisha, ka zbuluar ditën e sotme në deklaratën live se si do të quhet koalicioni i ri mes Grupit të Rithemelimit dhe LSI-së në zgjedhjet e pjesshme të 6 marsit.

“Shtëpia e lirisë”, ka njoftuar ai se do të jetë emri i koalicionit.

Berisha po prezanton zyrtarisht gjashtë kandidatët e tij për kryetar bashkie, që do të garojnë në zgjedhjet e pjesshme lokale të 6 marsit. 

Në fjalën e tij Berisha ka konfirmuar se kandidatët e tij do të regjistrohen në zgjedhjet e pjesshme në 6 bashkitë e vendit më 6 Mars si koalicion dhe se pjesë e këtij koalicionit është LSI.

“Kandidatët do të jenë pjesë e një koalicioni. LSI është pjesë e këtij koalicionit. Po shikohen modalitetet që përcakton ligji”, tha Berisha.

Pyetje: A  ndjeni keqardhje që këto kandidatë që thonë se kanë qenë pjesë e PD  që nga themelimi të shkojnë në zgjedhje me logon e lsi?

Berisha: Logoja është logo koalicioni. Koalicioni do të quhet shtëpia e lirisë. Shtëpia e lirisë do të ketë logon e vetë. Kjo është normale, në çdo koalicion logoja nuk është e partisë por e koalicionit. Rama do ta paguajë shtrenjt këtë konfiskim.

Pyetje: Përgjegjësia e rithemelimit nëse kandidatët tuaj s’do jenë fitues?

Berisha: Sigurisht që do mbajë përgjegjësi komisioni por s’mund të them se standardi i të përgjithshmeve është standardi i 6 bashkive. Komisioni do bëjë gjithçka për të fituar zgjedhjet por nuk mund të mbahen ato qëndrime nëse zgjedhjet janë në shkallë vendi.

Pyetje: A është Lëvizja Socialiste pjesë e koalicionit?

Berisha: Po është pjesë e koalicionit

Pyetje: Kush janë parti të tjera aleate?

Berisha: Po negociohen