Berisha shkon në Kosovë, inauguron me Thaçin një pjesë të rrugës Morinë- Merdare

Kryeministri Sali Berisha do jetë të shtunën paradite në Kosovë, në Vërmicë, sapo kalon kufirin e Shqipërisë. Berisha është ftuar nga kryeministri kosovar, Hashim Thaçi, për të inauguruar 38 kilometrat e para të rrugës Morinë- Merdare, pjesë e Rrugës së Kombit. Qeveria kosovare ka kërkuar që qytetarët të jenë të pranishëm sot në inaugurim. Në inaugurimin e rrugës pritet të jetë edhe presidentja Atifete Jahjaga dhe kongresmeni amerikan, Eliot Engel. 38 kilometrat do përfundojnë në Suharekë dhe Berisha do jetë edhe aty për të takuar banorët.