Berisha, urime nga Evropa per fitoren

Vleresime te forta pozitive per zgjedhjet e 28 qershorit ne Shqiperi dhe per qeverine e cila e organizoi kete proces te rendesishem dhe nje kusht per mbarevajtjen e integrimit evropian. Lideret evropiane pergezuan kryeministrin Berisha per mbylljen me sukses te procesit zgjedhor te 28 qershorit dhe fitoren e partise qe ai drejton, ne keto zgjedhje. Kreu i qeverise i mori keto urime pergjate bisedave qe zhvilloi me lideret evropiane, ne ceremonine e organizuar me rastin e 70 vjetorit te sulmit nazist mbi Polonine, qe shenon dhe fillimin e Luftes se Dyte Boterore. Ne kete ceremoni te mbajtur ne Poloni, gjate takimeve me Presidentin e Polonise, Kaczynski, kryeministrin polak, Tusk, kancelaren gjermane Merkel, kryeministrin italian Silvio Berlusconi, ate francez Fillion, dhe nje sere personalitetesh te tjere, kryeministrit Berisha, iu shpreh mbeshtetja per integrimin e Shqiperise ne Bashkimin Evropian. "Personalitetet e tjere te pranishem ne ceremoni, te cilet e pergezuan Kryeministrin Berisha per realizimin dhe per mbylljen me sukses te procesit zgjedhor dhe per fitoren e arritur ne keto zgjedhje nga koalicioni i djathte. Personalitetet garantuan Kryeministrin Berisha per mbeshtetjen e tyre per projektin e Shqiperise evropiane", theksohet ne njoftimin per shtyp te Keshillit te Ministrave. Ceremonia e djeshme ku Berisha ishte i ftuari i presidentit te Polonise, u zhvillua ne gadishullin Eesterplatte ne vendin ku gjermanet kryen sulmin e pare kunder garnizonit polak qe mbronte qytetin e Gdanskit, qe shenon edhe organizimin e rezistences dhe qendreses polake kunder Gjermanise naziste. Gjate kesaj ceremonie, lideret e 20 vendeve pjesemarrese vendosen kurora dhe pishtare tek varrezat e mbrojtesve te Gdanskit. Po keshtu u zhvilluan homazhe te cilat u shoqeruan me nderime ushtarake per nder te mbrojtesve te qytetit, te rene gjate sulmit nazist dhe viktimave te Luftes se Dyte Boterore. Gjate pershendetjes se tyre, te pranishmit theksuan se kjo tragjedi, me e madhja ne gjithe historine e njerezimit, nuk duhet te perseritet me, duke nenvizuar se bashkepunimi i ngushte midis vendeve dhe kombeve dhe Bashkimi Evropian eshte lidhja me e mire per bashkepunimin dhe ruajtjen e paqes. Kjo ceremoni e rendesishme perkujtimore u zhvillua ne qytetin e Gdansk, qyteti- port me i rendesishem ne brigjet e Detit Baltik, i njohur edhe si vendlindja e Levizjes "Solidarnost", themeluar nga aktivisti politik i atyre viteve ne Poloni, me pas President i Polonise, Lech Ealesa, i cili luajti nje rol madhor ne fundin e komunizmit ne Evropen Qendrore dhe ka marre cmimin Nobel per Paqen ne vitin 1983.

Vizita

Kryeministri Berisha e mbylli po diten e djeshme, viziten e tij nje ditore ne Poloni. Shpejtesia me te cilen u zhvillua kjo vizite lidhet dhe me negociatat qe pritet te nisin diten e sotme per qeverine e re.

Pjesemarresit ne takimin e zhvilluar ne Poloni

Presidenti polak, Lech Kaczynski,

Kryeministri polak, Donald Tusk,

Kryeministri francez, Francois Fillion,

Kryeministri i Cekise, Jan Fischer,

Kancelarja Gjermane, Angela Merkel,

Kryeministri i Rusise, Vladimir Putin,

Kryeministri i Serbise, Mirko Cvetkovic,

Kryeministri i Sllovakise, Dushan Caplovic

Kryeministri e Estonise, Andrus Ansip,

Kryeministri i Italise, Silvio Berlusconi,

Kryeministri i Bjellorusise, Siarhiej Sidorski,

Kryeministri i Letonise, Valdis Dombrovskis,

Kryeministri i Lituanise, Andrius Kubilius,

Kryeministri i Hollandes, Jan Peter Balkenende,

Kryeministri i Suedise, Fredrik Reinfeldt,

Kryeministrin e Finlandes, Matti Vanhanen,

Presidenti i Parlamentit Europian ,Jerzy Buzek,

Ministri i Jashtem i Frances, Berndard Kushner

Ministri i Jashtem i Britanise se Madhe, David Miliband