Berlusconi në gjyq

Kryeministri italian, Silvio Berlusconi, do të dalë në gjyq për akuzat se ka pasur marrëdhënie intime me një prostitutë adoleshente dhe për shpërdorim të pushtetit.
Një gjykatës në Milano e ka dorëzuar sot aktpadinë.

Prokurorët akuzojnë Berlusconin se ka paguar për shërbime seksuale me një 17-vjeçare dhe më pas është përpjekur ta fshehë atë.

Kryeministri 74-vjeçar i ka mohuar akuzat, duke fajësuar prokurorët se po përpiqen ta largojnë nga pushteti.

Gjykimi është caktuar të nisë më 6 prill.