Betohet kryetari i Mitrovicës së Veriut, në ballkon vendoset flamuri i Kosovës

Erden Atiq ka kryer sot procedurën e betimit të tij si kryetar i ri i Mitrovicës së Veriut. Menjëherë pas betimit, ai ka marrë vendim për emërimin e Katarina Agjanqiq nga komuniteti serb si nënkryetar të Komunës.

"Në cilësinë e kryetarit të Komunës e emëroj zonjën Katarina Agjanqiq për nënkryetare të Komunës”, ka thënë Atiq.

Kryetari i ri Erden Atiq vjen nga radhët e Lëvizjes Vetëvendosje dhe pak para ceremonisë së tij të betimit, në ballkonin e Komunës së Mitorvicës së Veriut është vendosur flamuri i Kosovës.

Kryetarët e rinj të komunave u zgjodhën pas tërheqjes së serbëve nga institucionet muaj më parë. Edhe përse zgjedhjet u bënë pa praninë e tyre, komuniteti ndërkombëtar i ka njohur ato, por ka bërë thirrje që të mos ketë presione dhe të ruhet një klimë e qetë.

Kryetari i ri, Erden Atiq

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu