Biberaj: Jo me monitorim nga KE

Zevendespresidenti i Asamblese Parlamentare te Keshillit te Evropes, njekohesisht deputeti i PD-se, Aleksander Biberaj, ne mbledhjen e djeshme te Komitetit te Monitorimit te KE-se kerkoi kalimin e Shqiperise ne fazen post-monitorim. Ne mbledhjen e zhvilluar ne Kiev, te Ukraines, kjo ide e Biberajt eshte argumentuar me faktet se ka nje ecuri pozitive te reformave ne Shqiperi, me marrjen e fteses per anetaresim ne NATO, si dhe mundesine per hapjen e negociatave per anetaresim me BE vitin tjeter. Duke folur per progres-raportin e monitorimit te Asamblese Parlamentare te KE-se, lidhur me funksionimin e institucioneve demokratike ne Evrope, deputeti i PD-se, Biberaj, eshte perqendruar ne progresin e bere dhe ecurine e reformave ne Shqiperi. Ai ka nenvizuar klimen e mire politike qe ekziston ne Shqiperi, si dhe rritjen e bashkepunimit ndermjet mazhorances dhe opozites, gje qe ka sjelle edhe rritjen e rolit te Parlamentit ne jeten politike dhe ne kryerjen e ketyre reformave. Ne kete kontekst, zv.presidenti i Asamblese Parlamentare te Keshillit te Evropes, deputeti i PD, Biberaj, ka deklaruar se Shqiperia e ka kaluar fazen e monitorimit, dhe eshte ne gjendje te eksportoje vetem siguri dhe garanci per veten dhe per tere rajonin, ne kuader dhe te integrimit ne strukturat euroatlantike. F.M