Biden nënshkruan ligjin e përdorur kundër Hitlerit për të dërguar armë në Kiev! Britania gati 6 mijë raketa shtesë

Lufta në Ukrainë ka mbërritur në ditën e 76- të, ndërsa vijojnë të shtohen ndihmat e marra nga Perëndimi për Kievin.

Presidenti amerikan, Joe Biden, nënshkroi dje një ligj për përshpejtimin e furnizimit me armë në Ukrainë.

Legjislacioni, i frymëzuar nga një masë e vitit 1941 që lejoi Shtetet e Bashkuara të armatosnin ushtrinë britanike kundër Hitlerit, do të lehtësojë disa nga kërkesat për Shtetet e Bashkuara për të dërguar pajisje ushtarake në Kiev.

Nga ana tjetër, Britania po bëhet gati të dërgojë në Ukrainë rreth 6 mijë raketa shtesë.

“Mbretëria e Bashkuar do të punojë me aleatët tanë për të rritur mbështetjen ushtarake dhe ekonomike për Ukrainën, duke forcuar mbrojtjen e saj”, tha kryeministri britanik, Boris Johnson, raporton BBC./ rtsh.al