Bill Clinton ritakohet te Bill Clinton Kaligani pas 14 vitesh

Ishte viti 1998, kur Bill Clinton vizitoi për herë të parë Afrikën, ndërsa në Ugandë, për nder të vizitës së presidentit të SHBA të asaj kohe, një familje i vuri emrin djalit të sapolindur Bill Clinton.

Ndërkohë që presidenti amerikan i asaj kohe sapo mbërriti në atë zonë, mbajti në krahët e tij fëmijën e sapolindur, i cili peshonte vetëm pak kilogramë..

Para 14-vitesh, fëmija morri emrin e Bill Clinton pasi lindi në të njëjtin muaj në të cilin ka lindur edhe ish-presidenti amerikan.

U takuan në të njëjtin vend, pas 14 vitesh, tashmë Bill Clinton nuk është më presidenti i SHBA, ndërsa Bill Clinton i ri është një adoleshent, 14-vjeçar.

Emri i plotë i djalit është Master Bill Clinton Kaligani.

Për të përqafuar sërish ish-presidentin e SHBA, 14-vjeçari është transportuar në Entebbe, në Ugandë së bashku me nënën e tij dhe për të ky ishte udhëtimi i parë me avion.

Ish presidenti Bill Clinton dhe Bill Clinton i ri kanë drekuar së bashku dhe adoleshenti i ka rrëfyer ish-presidentit dëshirën për t’u bërë mjek.

Ndërsa nëna e djalit, Betty Namugosa i ka treguar medias entuziazmin: “Presidenti ka premtuar se do të kujdeset për djalin tim”.