Bill Ray do të shkruajë skenarin “Frank Sinatra”

Pas shumë viteve zhvillimi, filmi i planifikuar i Martin Scorsese për Frank Sinatren është duke iu afruar realitetit. Sipas Deadline.com, skenaristi i “Hunger Games” Billy Ray është angazhuar për të shkruar filmin, i cili më herët ishte në duart e skenaristit Phil Alden Robinson. Filmi për Sinatren që një kohë të gjatë ishte në pjatën e Scorsese.

Në vitin 2009, regjisori ishte i përfshirë në filmin biografik për Dean Martin, në të cilin do të luanin Tom Hanks si Martin dhe John Travolta si Sinatra.

Kur filmi është lajmëruar në vitin 2009, është menduar që bashkëpunëtori i rregullt i Scorsese, Leonardo DiCaprio do të luajë rolin kryesor, por tash kjo ka mbetur e paqartë sepse ende nuk dihet kur do të bëhet filmi: Scorsese është duke vendosur në mes filmave "Silence" (në të cilin duhet të luajnë Daniel Day-Lewis dhe Benicio Del Toro), "The Irishman," film për mafinë i bazuar në romanin “I Heard You Paint Houses” nga Charles Brandt, i cili do të bashkonte regjisorin me Robert De Niro), "The Snowman"(adaptim i trilerit për krimin të Jo Nesbos) dhe “The Gambler" (versioni i ri i klasikut të vitit 1974).