Bizneset, si te derdhin kontributet
ISSH sqaron proceduren per derdhjen e kontributeve shoqerore te bizneseve per punonjesit e tyre
Instituti i Sigurimeve Shoqerore, ka sqaruar procedurat per derdhjen e kontributeve per bizneset. Sipas zyres per shtyp te ketij instituti, te vetepunesuarit dhe personat e papaguar te familjes qe ushtrojne veprimtari ekonomike, sigurohen ne menyre te detyrueshme per barrelindje, pensione dhe sigurim shendetesor.
Sa paguhen
Kontributet e sigurimeve shoqerore dhe shendetesore per vete dhe per punonjesit e papaguar te familjes, mbi 16 vjec, qe punojne e jetojne ligjerisht, llogariten mbi bazen e pages mujore minimale, e cila duke filluar nga data 01.07.2010 e ne vazhdim eshte 16 820 leke ne muaj. Sipas Institutit te Sigurimeve Shoqerore, per kontributet e sigurimeve shoqerore bizneset paguajne 23 per qind te pages minimale mujore prej 16 820 lekesh te nje personi, e barabarte kjo me 3 868 leke ne muaj. Per kontributet e sigurimeve shendetesore, paguhen 7 per qind te pages minimale mujore prej 16 820 lekesh, pra 1 177 leke ne muaj. Kontributet e sigurimeve shoqerore dhe shendetesore paguhen cdo tremujor, brenda dates 20 te muajit te pare, pas perfundimit te cdo tremujori kalendarik. Pra jo me vone se datat: 20 Prill, 20 Korrik, 20 Tetor dhe 20 Janar. ISSH terheq vemendjen se, nese kontributet nuk paguhen ne kohe, zbatohen penalitete.
Si paguhen
Bizneset mund t'i paguajne kontributet e detyrueshme te sigurimeve shoqerore dhe shendetesore ne filialet e bankave te nivelit te dyte ose te postes shqiptare sh.a. Pas pageses se kontributeve te sigurimeve shoqerore dhe shendetesore ju dhe pjesetaret e familjes me te cilet punoni, do te pajiseni nga Agjencia e Sigurimeve Shoqerore me librezen e kontributeve te sigurimeve shoqerore e shendetesore. Nga pjesemarrja ne skemen e sigurimeve shoqerore dhe shendetesore perfitohen te gjitha llojet e pensioneve: Pension baze pleqerie, pension i pjesshem pleqerie, pension pleqerie i reduktuar, pension familjar, pension invaliditeti, pension i pjesshem invaliditeti, sherbim shendetesor dhe rimbursim ilacesh.
L.Ndoka
Cfare parashikon ligji
Punedhenesit dhe detyrimet ndaj punonjesve
"Punedhenes" quhen te gjithe personat fizike e juridike, qe punesojne persona te tjere me ose pa kontrate. Ne mbeshtetje te Kodit te Punes punedhenesi eshte i detyruar te nenshkruaje nje kontrate pune me punemarresit, me kohe te plote ose te pjesshme. Punedhenesi duhet te mbaje regjistra per periudhen e marredhenieve te punes dhe shumat e paguara per cdo punemarres, me kohe te plote ose te pjesshme. Ai, gjithashtu duhet te beje sigurimin e cdo punemarresi, me kohe te plote ose te pjesshme, duke filluar nga data e fillimit te punes, sipas percaktimit ne kontraten e punes ose ne aktin e emerimit. Gjithashtu, punedhenesi duhet te beje llogaritjen, deklarimin dhe pagesen e kontributeve te detyrueshme te sigurimeve shoqerore dhe shendetesore, brenda afateve te percaktuara per cdo punemarres.
Paga ku bazohet derdhja e kontributeve
Paga bruto e punonjesve behet ne mbeshtetje te VKM nr. 285, date 04.05.2007 "Mbi pagat referuese..". Pagat referuese jane percaktuar ne kete VKM sipas: Rrethit ku zhvillohet veprimtaria ekonomike, llojeve te veprimtarive ekonomike dhe pozicionit te punes. Llogaritja e kontributeve per cdo punemarres individual mbeshtetet ne pagen bruto mbi kufirin e pages minimale mujore, deri ne kufirin e pages maksimale mujore. Paga bruto evidentohet ne listepagesen tip, e cila eshte dokumenti baze per evidentimin e kontributeve individuale. Paga baze minimale mujore per punonjesit per efekt te llogaritjes se kontributeve te detyrueshme te sigurimeve shoqerore dhe shendetesore ne shkalle vendi eshte 19 000 leke, ndersa paga maksimale eshte 84 100 leke.
Regjistrimi
Perpara fillimit te veprimtarise ekonomike dhe per efekt te pageses se kontributeve te sigurimeve shoqerore dhe shendetesore, se pari behet regjistrimi ne Qendren Kombetare te Regjistrimit. Dy dite pune pas regjistrimit ne QKR, dorezohet prane organit tatimor lista e te punesuarve, me pagen perkatese, sipas formularit E-SIG.
Procedurat per pagesen e kontributeve
Pagesa e kontributeve te detyrueshme te sigurimeve shoqerore dhe shendetesore kryhet nga punedhenesi sipas afateve te percaktuara me ligj.
Punedhenesi ka detyrim ligjor per llogaritjen, deklarimin dhe pagesen e kontributeve ne kohen dhe masen e duhur. Listepagesa eshte nje deklarate e subjektit, ne te cilen evidentohen kontributet individuale, dhe si e tille, ne mbeshtetje te Ligjit nr. 9920, date 19.05.2008 "Per procedurat tatimore ne Republiken e Shqiperise" tatimpaguesi qe nuk leshon deklaraten tatimore ne afat denohet me gjobe me 10 000 leke, per cdo deklarate tatimore te padorezuar;
Punedhenesi, i cili nuk ka deklaruar ne organin tatimor cdo te punesuar rishtazi, te pakten 48 ore perpara fillimit te punes, pervec detyrimit per pagimin e shumes se kontributeve te papaguara, detyrohet te paguaje edhe nje gjobe 10 000 - 20 000 leke per cdo rast;
Punedhenesi duhet te dorezoje rregullisht sipas afatit te caktuar listepagesat, te cilat jane i vetmi dokument, qe verteton pagesen e kontributeve per cdo punonjes. Listepagesa eshte dokumenti baze per dhenien dhe llogaritjen e perfitimeve per cdo punonjes, si dhe vertetimeve te kerkuara prej tyre.
Si behet pajisja e punemarresve me librezat e kontributeve.
Instituti i Sigurimeve Shoqerore pajis punedhenesit me librezat e kontributeve te sigurimeve, shoqerore dhe shendetesore, sipas kerkesave qe behen prane ketyre organeve. Punedhenesi i pajis te punesuarit me librezen e kontributeve te sigurimeve shoqerore dhe shendetesore, dhe e ploteson cdo muaj, ne daten e pageses se pages mujore.
Perfitimet afatshkurtra
Mbeshtetur ne Ligjin per sigurimet shoqerore, punedhenesit duhet te llogarisin dhe te paguajne per punemarresit e tyre perfitimet afatshkurtra, si per semundje ashtu edhe per barrelindje. Kur punemarresi eshte i semure ose perkujdeset per femijen e semure, qe ka ne ngarkim, te vertetuar me raporte mjekesore, kontributet per sigurimet shoqerore e shendetesore deri ne diten e 14 me raport mjekesor deklarohen njelloj sikur punemarresi te mos jete i semure dhe paguhen sipas percaktimit ne Kodin e Punes, ndersa nga dita e 15 e raportit mjekesor punemarresi i siguruar ka te drejte te marre perfitime per paaftesi te perkohshme nga fondet e sigurimeve shoqerore.